एमाले उम्मेदवारलाई पछि पार्दै मनाङको संघ र प्रदेशमा कांग्रेसको जित

काठमाडौं । मनाङ जिल्लाबाट प्रतिनिधि सभा सदस्य तर्फ नेपाली कांग्रेसका उम्मेदवार टेकबहादुर गुरुङ विजयी भएका छन् ।

सोमबार सम्पन्न मतगणना अनुसार कांग्रेस उम्मेदवार गुरुङले २ हजार ५ सय ७५ मत ल्याइ विजयी भएका हुन् ।

उनका निकटतम प्रतिद्वन्दी नेकपा एमालेका उम्मेदवार पाल्देन्छोपाङ गुरुङले २ हजार २ सय ४७ मत प्राप्त गरेका छन् भने राष्ट्रिय स्वतन्त्र पार्टीका उम्मेदवार मुख्या गुरुङले ५ मत प्राप्त गरेका छन् ।

त्यस्तै मनाङ क्षेत्र नम्बर क तर्फ प्रदेशसभा सदस्यमा पनि कांग्रेस उम्मेदवार मुनिन्द्र जंग गुरुङ निर्वाचित भएका छन् ।
उनले १ हजार २ सय ५५ मत प्राप्त गरि विजयी भएका हुन् ।

उनका निकटतम प्रतिद्वन्द्वी नेकपा एमालेका उम्मेदवार राजन बहादुर गुरुङले ९ सय २५ मत प्राप्त गरेका छन् भने राष्ट्रिय प्रजातन्त्र पार्टीका मिफेल धिन्डु लामाले २३ मत प्राप्त गरे ।

त्यस्तै मुनाङ निर्वाचन क्षेत्र ख तर्फ प्रदेश सभा सदस्यका लागि राजिव गुरुङको एक मात्रै स्वतन्त्र उम्मेदवारी परेको थियो ।
यो सँगै मनाङ जिल्लाको मतगणना कार्य सम्पन्न भएको छ ।