हतुवागढीमा चैत २ देखि पालिका स्तरीय भलिबल र डोरीतान प्रतियोगिता हुने

शेयर गर्नुहोस

२५ फागुन, घोडेटार । भोजपुरको हतुवागढीमा चैत २ देखि ५ गते सम्म अन्तर पालिका स्तरीय महिला तथा पुरुष भलिबल प्रतियोगिता हुने भएको छ ।

कोभिड–१९ को संक्रमणका कारण स्थगित उक्त प्रतियोगिता पुनः सञ्चालन गर्न लागिएको हो ।

हतुवागढी खेलकुद विकास समितिले बुधबार एक सुचना जारी गर्दै गत स्थगित अन्तर पालिका स्तरीय महिला तथा पुरुष भबिल रनिङ शिल्ड प्रतियोगिता चैत २ देखि पुनः आयोजना गरिएको जनाएको हो ।

युवा पुस्तालाई खेलकुद क्षेत्रमा आकर्षित गराउँदै हतुवागढी क्षेत्रमा भलिबल साथै खेलकुदको प्रवर्द्धन गर्ने उद्देश्यले पुरुष तथा महिला भलिबल प्रतियोगिताको साथमा डोरीतान प्रतियोगिता आयोजना गरिएको हतुवागढी खेलकुद विकास समितिका अध्यक्ष बालकुमार राइले बताए ।

खेलकुद समितिको आयोजना तथा हतुवागढी गाउँपालिकाको प्रायोजनमा हुन लागेको उक्त अन्तर गा.पा/न.पा. स्तरीय महिला/पुरुष भलिबल प्रतियोगिताको पुरुष तर्फ विजेता टिमलाई एक लाख ५० हजार ५ सय ५५ र उपविजेता टिमलाई एक लाख १ हजार १ सय ११ नगद पुरस्कार सहित शिल्ड, मेडल र प्रमाणपत्र प्रदान गरिने भएको छ ।

त्यसै गरि महिला तर्फ विजेता टिमलाई ७५ हजार ५ सय ५५ र उपविजेता टिमलाई ५० हजार ५ सय ५५ नगद पुरस्कार सहित शिल्ड, मेडल र प्रमाणपत्र प्रदान गरिने जारी सुचनामा उल्लेख छ ।


हतुवागढी–१ घोडेटार स्थित सगरमाथा माविको प्राङ्गणमा हुन लागेको उक्त अन्तर पालिका स्तरीय खुल्ला पुरुष तथा महिला भलिबल प्रतियोगितामा सहभागिताको लागि फगुन ३० गतेभित्र टिम दर्ता गराइ सक्नु पर्नेछ । प्रतियोगितामा जुनसुकै गाउँपालिका तथा नगरपालिकाका महिला/पुरुष खेलाडीहरु सहभागी हुन पाउनेछन् । खेलको टाइसिट चैत १ गते सार्वजनिक गरिने आयोजकले जनाएको छ ।

नकआउट चरणमा खेलाइने उक्त भलिबल प्रतियोगितामा सहभागिताका लागि एक टिममा टिम मेनेजर सहित १० जना सहभागी हुनु पर्ने तथा खेलाडी सम्बन्धित गापा अर्थात नगर पालिकाको हुनुपर्ने जनाइएको छ ।

सहभागिताको लागि खेलाडीले सक्कल नागरिकताको प्रमाणपत्र अनिवार्य उपलब्ध गराउनु पर्ने तथा बसाइसराईको प्रमाण पत्र लागू नहुने समितिद्धारा जारी सुचनामा उल्लेख छ ।

प्रतियोगितामा डोरीतान प्रतियोगिता समेत समावेश गरिएको छ । पुरुष मात्र सहभागी हुन पाउने उक्त डोरी तान प्रतियोगिताको प्रत्येक टीममा ८ जनाको सहभागिता हुनु पर्ने जारी सुचनामा उल्लेख छ ।

डोरी तान प्रतियोगिताको विजेता टिमले २५ हजार र उपविजेता टीमले १५ हजार नगद पुरस्कार सहित प्रमाण पत्र प्राप्त गर्नेछन् ।

अन्य पोष्टहरु

कोशी प्रदेशले ल्यायो बजेट ३५ अर्ब २७ करोड

कोशी प्रदेशले ल्यायो बजेट ३५ अर्ब २७ करोड

शेयर गर्नुहोस विराटनगर । कोशी प्रदेश सरकारले आगामी आर्थिक वर्षका लागि ३५ अर्ब २७ करोड ९३…
माघ २४ देखि जनता क्याम्पसमा ‘स्ववियु कप–२०८०’ हुँदै, यी हुन् खेलहरुः अनलाइन आवेदन भर्नुहोस्

माघ २४ देखि जनता क्याम्पसमा ‘स्ववियु कप–२०८०’ हुँदै, यी हुन् खेलहरुः अनलाइन आवेदन भर्नुहोस्

शेयर गर्नुहोस इटहरी । जनता बहुमुखी क्याम्पस इटहरीमा ‘स्ववियु कप २०८०’ सप्ताहव्यापी खेलकुद समारोह हुने भएको…
भोजपुरको लुङथुङमा १० बर्षीया बालिका झुण्डिएको अवस्थामा मृत फेला

भोजपुरको लुङथुङमा १० बर्षीया बालिका झुण्डिएको अवस्थामा मृत फेला

शेयर गर्नुहोसमाघ १०, घोडेटार । भोजपुरको हतुवागढी गाउँपालिका ४ स्थित लुङथुङमा एक बालिका झुण्डिएको अवस्थामा मृत…