एप्पलपछि माइक्रोसफ्टले पनि रुसमा बन्द गर्‍यो सेवा

शेयर गर्नुहोस

युक्रेनमा जारी रुसी आक्रमणसँगै विश्वका विभिन्न प्रविधि कम्पनीहरूले रुसविरुद्ध एकपछि अर्को कडा निर्णय लिइरहेका छन् ।

पश्चिमी देशका सरकारहरू, विश्व खेल संगठनहरू तथा ठूला कम्पनीहरूले समेत रुसी हमलाको निन्दा गर्दै रुसमाथि विभिन्न खालका बन्देज लगाइरहेका छन् । यसै क्रममा पछिल्लोपटक माइक्रोसफ्ट कम्पनीले रुसमा आफ्ना प्रडक्टको बिक्री तथा सम्पूर्ण सेवा बन्द गर्ने घोषणा गरेको छ ।

माइक्रोसफ्टको कम्प्युटर अपरेटिङ सिस्टम विन्डोज हाल विश्वका १ अर्बभन्दा धेरै मानिसले प्रयोग गर्दछन् । रुसमा माइक्रोसफ्टको बिक्री तथा सेवा बन्द भएसँगै लाखौँ प्रयोगकर्ता प्रभावित हुनेछन् ।

माइक्रोसफ्टका अध्यक्ष ब्राड स्मिथले एक ब्लग पोस्टमा भनेका छन् : विश्वका अन्य ठाउँजस्तै हामी युक्रेनमा युद्धक्षेत्रबाट सार्वजनिक भैरहेका तस्वीर तथा खबरहरूबाट भयभित, क्रोधित र दुखी छौं । हामी रुसद्वारा गरिएको यस अनुचित, अकारण तथा गैरकानुनी आक्रमणको निन्दा गर्दछौं ।

यसअघि गतहप्ता एप्पलले पनि रुसमा आफ्ना सबै प्रडक्टको बिक्रीमा रोक लगाएको थियो । रुसमा आफ्ना प्रडक्टको बिक्री बन्द गर्नुका अलावा एप्पलले रुसी समाचार एजेन्सी आर टी र स्पुतनिकको मोबाइल एपलाई एपस्टोरबाट हटाइदिएको छ ।

एप्पलको एप्पल पे सर्भिस पनि रुसमा बन्द छ । युक्रेनका उपप्रधानमन्त्री माखाइलो फेडोरोभले एक पत्रमार्फत् गरेको अनुरोध पश्चात् एप्पलले यस्तो निर्णय गरेको हो।

रुसमाथि अमेरिकी निर्यात प्रतिबन्ध

रुसद्वारा युक्रेन हमलापछि अमेरिकाले अमेरिकी सामानहरू रुसमा निर्यात गर्न प्रतिबन्ध लगाएको छ । साथै अमेरिकामा उत्पादन हुने रुसी ब्राण्डका सामानहरुमा समेत यस्तो प्रतिबन्ध लगाइएको छ । अमेरिकाले देशको व्यापार कानुनअन्तरगत उक्त प्रतिबन्ध लगाएको हो ।

अमेरिकी कम्पनीहरूले अब कम्प्युटर, सेन्सर, लेजर, नेभिगेसन उपकरण, दूरसञ्चार, एरोस्पेस तथा समुद्री उपकरणहरू रुसमा बिक्री गर्नका लागि लाइसेन्स लिनुपर्नेछ ।

अमेरिकाकाले यस्तैखाले प्रतिबन्ध केही वर्षअघि चिनियाँ कम्पनी हुवावेमाथि लगाएको थियो, जसले हुवावेलाई ठूलो नोक्सानी भएको थियो ।

एजेन्सी

अन्य पोष्टहरु

कोशी प्रदेशले ल्यायो बजेट ३५ अर्ब २७ करोड

कोशी प्रदेशले ल्यायो बजेट ३५ अर्ब २७ करोड

शेयर गर्नुहोस विराटनगर । कोशी प्रदेश सरकारले आगामी आर्थिक वर्षका लागि ३५ अर्ब २७ करोड ९३…
माघ २४ देखि जनता क्याम्पसमा ‘स्ववियु कप–२०८०’ हुँदै, यी हुन् खेलहरुः अनलाइन आवेदन भर्नुहोस्

माघ २४ देखि जनता क्याम्पसमा ‘स्ववियु कप–२०८०’ हुँदै, यी हुन् खेलहरुः अनलाइन आवेदन भर्नुहोस्

शेयर गर्नुहोस इटहरी । जनता बहुमुखी क्याम्पस इटहरीमा ‘स्ववियु कप २०८०’ सप्ताहव्यापी खेलकुद समारोह हुने भएको…
भोजपुरको लुङथुङमा १० बर्षीया बालिका झुण्डिएको अवस्थामा मृत फेला

भोजपुरको लुङथुङमा १० बर्षीया बालिका झुण्डिएको अवस्थामा मृत फेला

शेयर गर्नुहोसमाघ १०, घोडेटार । भोजपुरको हतुवागढी गाउँपालिका ४ स्थित लुङथुङमा एक बालिका झुण्डिएको अवस्थामा मृत…