भ्वाइस अफ नेपाल सिजन-४ को विजेता करण राई, फस्ट रनरअप बनिन् सबिना योङहाङ

काठमाडौं । सांगीतिक रियालिटी शो ‘द भ्वाइस अफ नेपाल’ चौथो सिजनका विजेता करण राई बनेका छन् ।

शुक्रबार (आज) राती सम्पन्न ग्राण्ड फिनालेमा राईले सविना योङहाङ, योगेश मगर र शाइल लिम्बूलाई पछि पार्दै भ्वाइस अफ नेपाल सिजन– ४ को विजेता बनेका हुन् ।

टिम राजुबाट प्रतिस्पर्धा गरेका करणले नगद २५ लाखसहित पल्सर एन १६० मोटरसाइकल, साढे दुई तोला सुनकाे सिक्री, ग्यालेक्सी जेड फोल्ड फाेन पुरस्कार प्राप्त गरे ।
त्यस्तै टिम राजेश समूहबाट सविना योङहाङ लिम्बू फस्ट रनरअप घोषित भइन् ।

टिम प्रमोदबाट योगेश मगर सेकेण्ड रनरअप घोषित भए । टिम प्रविशाबाट शाइल लिम्बू थर्ड रनरअप बने । दर्शककाे भोटको आधारमा विजेता घोषित गरिएको जनाइएको छ ।

यसअघि भ्वाइस अफ नेपाल सिजन–१ मा सिडी विजय अधिकारी, सिजन–२ राम लिम्बू र सिजन -३ मा किरण गजमेर विजेता बनेका थिए ।

सिडी विजय टिम दीपका, राम लिम्बू र किरण गजमेर टिम प्रमोदका  प्रतिस्पर्धी थिए ।