लौरो चुनाव चिन्ह लिदै पर्यटन व्यवसायी रमेश ओझाले स्वतन्त्र उम्मेदवारी दिने

भोजपुर । आसन्न प्रतिनिधि सभाको निर्वाचनमा भोजपुरबाट लौरो चुनाव चिन्ह लिदै पर्यटन व्यवसायी रमेश ओझाले स्वतन्त्र उम्मेदवारी दिने भएका छन । भोजपुर नगरपालिका ११ आम्तेकका ओझाले प्रतिनिधि सभामा उम्मेदवार बन्ने इनागरिकलाई जानकारि दिनु भयो ।
लामो समय सम्म पर्यटन व्यावसायीको रुपमा काम गर्दै आएका ओझाको उम्मेदवारीले अन्य उम्मेदवारलाई समेत प्रभाव पार्न सक्ने बताइएको छ । नेकपा एमालेबाट राजनितिमा प्रवेश गरेका उनि पछिल्लो समय नेकपा माओवादीमा पार्टिमा आवद्ध रहेका थिए ।
माआवादी २०७४ सालको निर्वाचनमा भोजपुरबाट प्रतिनिधि सभाको उम्मेदवारमा सिफारिस भएका थिए । “देशको परिवर्तन गर्न र आर्थिक जनजिविका परिवर्तन गर्नका लागि मेरो उम्मेदवारी हो ” ओझाले इनागरिकसंग भने “ हालको राजनीतिक व्यावस्थाले जनताको जिवन स्तर उकास्न सकेन नयाँ भिजन मिसन र कार्यक्रम सहित राजनैतिक दलले दिएको निराशालाई आशामा परिवर्तन गर्न प्रतिनिधिसभा निर्वाचनमा स्वतन्त्र उम्मेदवार बन्ने घोषणा गरेको हु ।”
भोजपुरमा हाल सम्म स्वतन्त्र उम्मेदवार प्रतिनिधि सभामा डाक्टर सुरेश बस्नेत , शक्ति राईले पनि स्वतन्त्र उम्मेदवारी घोषणा गरिसक्नु भएको छ । लाैराे अभियान अन्तरगत प्रदेश सभामा पनि उम्मेदवार उठाउने तयारी भैरहेकाे अभियानले जनाएकाे छ ।