जनजाति महासंघको अध्यक्ष र महासचिव कांग्रेस-एमाले गठबन्धनबाट निर्वाचित

शेयर गर्नुहोस

काठमाडौं । नेपाल आदिवासी जनजाति महासंघको अध्यक्षमा ग्याल्जेन शेर्पा विजयी भएका छन् । नेपाली कांग्रेस र एमालेबीच भएको गठबन्धबाट शेर्पा अध्यक्ष बनेका थिए । उनले माओवादी केन्द्र र जनता समाजवादीबाट उम्मेदवार बनेका सोनाम लामालाई पराजित गरेका हुन् । शेर्पाले ४४ मत ल्याउँदा लामाले ८ मत मात्रै पाए।

नवलपरासीमा उद्घाटन भएको १० औं महाधिवेशनमा एमाले र कांग्रेसबीच गठबन्धन हुँदा अध्यक्ष कांग्रेस र अन्य बहुमत पदाधिकारी एमालेले लिने सहमति भएको थियो । महासचिवमा पनि कांग्रेस-एमालेकै गठबन्धनबाट दिवस राई निर्वाचित भएका छन् । उनले ३६ मत ल्याएर माओवादी–जसपाका उम्मेदवार सुकविर थामीलाई पराजित गरेका हुन् । थामीले १५ मत मात्रै ल्याए।

अन्य सबै पदाधिकारी निर्विरोध निर्वाचित भएका छन् । वरिष्ठ उपाध्यक्षमा वुद्ध घर्ती निर्विरोध निर्वाचित भएका छन् । त्यस्तै ७ जना उपाध्यक्षमा युवराज जिरेल, ध्यानी उराँव, क्षेत्रबहादुर थकाली, गम्भीरसिंह गुरुङ भोटे, लाक्पा शेर्पा, लहरु जिमी र श्रुति कुमाल रहेका छन् ।

त्यस्तै एक उपहासचिवमा रामकृष्ण लामा निर्विरोध निर्वाचित भएका छन् । सचिव पनि सबै निर्विरोध निर्वाचित भएका छन् । सचिवहरुमा मंगलराम दराई, गोविन्द लामा, मोहन राजवंशी, विकास सुरेल, ममता मेचे, छोर्गेल लामा,  यमुना छन्त्याल र भ्रदकुमारी बरामु निर्वाचित भएका छन् । कोषाध्यक्षमा विमल सारु र सहकोषाध्यक्षमा रिदार नोसाङ भोटे निर्विरोध निर्वाचित भएका छन्।

 

अन्य पोष्टहरु

भोजपुरको हतुवागढीमा १५ दिने हेण्डबल प्रशिक्षण सम्पन्न

भोजपुरको हतुवागढीमा १५ दिने हेण्डबल प्रशिक्षण सम्पन्न

शेयर गर्नुहोसघोडेटार । भोजपुर जिल्ला ह्याण्डबल संघद्वारा आयोजित हेण्डबल खेल प्रशिक्षण सम्पन्न भएको छ । हतुवागढी-१…
सगरमाथा आरोही अबिरल राईलाई किरात राई विधार्थी संघले गर्यो सम्मान

सगरमाथा आरोही अबिरल राईलाई किरात राई विधार्थी संघले गर्यो सम्मान

शेयर गर्नुहोस काठमाडौं । किरात राई विधार्थी संघको झण्डालाई विश्वको सर्वोच्च शिखर सगरमाथामा फराएर फर्किएका अविरल…
कथाकार म्यामराज राईको लघुकथा संग्रह ‘हाम्रो बाटो’माथि विमर्श

कथाकार म्यामराज राईको लघुकथा संग्रह ‘हाम्रो बाटो’माथि विमर्श

शेयर गर्नुहोस घोडेटार । हतुवागढी पुस्तकालय तथा इश्वरमान राई प्रतिष्ठानले कथाकार म्याम राज राईको लघुकथा संग्रह…