उद्योग वाणिज्य संघ घोडेटारको तेस्रो अधिवेशन सम्पन्न, अध्यक्षमा भिम बहादुर प्रधान

२६ भाद्र, घोडेटार । भोजपुर उद्योग वाणिज्य संघ शाखा कार्यलय घोडेटारको नवौं वार्षिक सधारण सभा तथा तेस्रो अधिवेशन सम्पन्न भएको छ ।

आइतबार संघका जिल्ला अध्यक्ष कर्ण मोक्तानको प्रमुख आतिथ्यतामा उक्त अधिवेशन सम्पन्न भएको हो ।

हतुवागढी गाउँपालिका -१ घोडेटार स्थित श्री सगरमाथा माध्यमिक विद्यालयको सभाहलमा सम्पन्न अधिवेशनबाट भिम बहादुर प्रधान अध्यक्षमा निर्वाचित भएका छन् ।

समितिको उपाध्यक्षमा हरि बहादुर श्रेष्ठ, प्रकाश बस्नेत, महासचिव पदमा प्रलाद थापा, सचीवमा सिताराम श्रेष्ठ र कोषाध्यक्ष पदमा सबिता सुवेदी निर्वाचित भएका हुन् ।

त्यस्तै सदस्यमा युवराज राई, रबिन थापा, राजकुमार राई, राजकुमार राई, धनकुमारी राई, रमेश बस्नेत, आशामाया राई, दिगो थुलुङ्ग, झुमा उदास शाख्य र रामकुमार योन्जन निर्वाचित भएका हुन ।

संघको आइतबार सम्पन्न पहिलो पुर्ण बैठकले सुजन श्रेष्ठ र सर्मिका श्रेष्ठ सदस्यमा मनोनित गरेको नवनिर्वाचित सदस्य रविन थापाले जानकारी दिए ।

नवनिर्वाचित कार्यसमितिको दोस्रो पुर्ण बैठक भाद्र ३१ गते शुक्रबार बस्ने निर्णय गरिएको उद्योग वाणिज्य संघ घोडेटारले जनाएको छ ।