भोजपुर गोल्डकपको उपाधि गोर्खा ब्वाइजलाई

भोजपुर । भोजपुरमा सम्पन्न भएको जिल्लाकै सार्वाधिक पुरस्कार राशिको ५ औ अन्तर्राष्ट्रिय आमन्त्रण मेयर भोजपुर गोल्डकपको उपाधि गोर्खा ब्वाइजले जितेको छ । विजेता बनेसँगै रुपन्देहीले नगद पाँच लाख र उपविजेता पश्चिम बङ्गालले नगद तीन लाखसहित ट्रफी, मेडल र प्रमाणपत्र हात पारेको छ ।
उपाधि रक्षाको लागि भएको फाइनल खेलमा गोर्खा ब्वाइज रुपन्देहीले भारतको अमुक्ता परिवार पश्चिम बंड्डाललाई ५—० ले स्तब्ध बनाएको हो । सदरमुकाम टुडिखेलमा सम्पन्न फाइनल खेलमा रुपन्देहीको तर्फबाट जर्सि नंम्बर ७ मा मैदान उत्रिएका फोफनाले दुइ गोल गरेका थिए । उनले खेलको ३८औँ र ४४औँ मिनेटमा दुई गोल गर्दै खेललाई अग्रता दिलाएका थिए । यानिकले खेलको ५२ औँ र ७० औँ मिनेटमा दुई गोल गरेका थिए । यस्तै, खेलको ६४औ मिनेटमा जर्सि नम्बर १५ का सुसन तामाङले १ गोल गरेका थिए । फाइनल खेलको म्यान अफ द म्याच रुपन्देहीका खेलाडी फोफना भए ।

यस पटकको उदयमान खेलाडिको उपाधि भोजपुर फुटबल कल्बका प्रविण राई घोषित भएका छन । उत्कृष्ट गोलरक्षक गोर्खा ब्वाइजका देव लिम्बु, उत्कृष्ट रक्षक एवडे गोर्खा ब्वाइजका घोषित भएका छन । उत्कृष्ट मिडफिल्डर सुनिल खड्का र उत्कृष्ट प्रशिक्षक जग्गुनाथ खड्का गोर्खा व्वाइज भएका छन । गोल्डकपमा गोर्खा ब्वाइजका यानिक र अमुक्ता परिवारका सौरभ तामाड्डले पाँच पाँच गोल गर्दै सर्वाधिक गोलकर्ता बनेका छन ।