हतुवागढी भलिबल रनिङ शिल्ड प्रतियोगिताको पाँच खेल सम्पन्न, आमचोकको दुवै टिम सेमिफाइनल प्रवेश

घोडेटार । भोजपुरको हतुवागढी-१ घोडेटारमा जारी पालिका स्तरीय भलिबल प्रतियोगिताको चार खेल सम्पन्न भएको छ ।

बिहीबार भएको खेलमा पुरुष तर्फ तीन र महिला तर्फको दुई खेल सम्पन्न भएको हो ।

वेस्ट अफ फाइभको आधारमा नक आउट चरणको उक्त खेलमा आमचोक गाउँपालिकाको माहिला र पुरुष दुवै टिम सेमि फाइनल प्रवेश गरेका छन् ।

पुरुष तर्फ भोजपुरकै टेम्केमैयुङ र महिला तर्फको खेलमा दमक नगरपालिका झापालाई हराउदै आमचोकको दुवै टिम सेमेफाइनल पुगेको हो । 

त्यस्तै पुरुष तर्फ आयोजक हतुवागढीलाई हराउदै झापा पनि सेमिफाइनलमा प्रवेश गरेको छ ।
हतुवागढी र सभापोखरी संखुवासभाबीच हुने खेलमा निर्धारित समय सम्म सभापोखरी टिम उपस्थित नहुँदा स्वतह हतुवागढी विजयी हुँदै सेमिफाइनल पुगेको हो ।

हिजै सम्पन्न महिला तर्फको खेलमा आयोजक हतुवागढीलाई हराउँदै रामप्रसाद राई गाउँपालिका भोजपुर सेमिफाइनल प्रवेश गरेको हो ।

हतुवागढी खेलकुद विकास समितिद्वारा आयोजित ‘हतुवागढी अन्तर गा.पा./न.पा. पुरुष तथा महिला भलिबल रनिङ शिल्ड प्रतियोगिता २०७८’ आज चैत २ गते देखि चैत ५ गते सम्म सञ्चालन हुनेछ ।

प्रतियोगितामा आज (शुक्रबार) को पहिलो खेल पुरुष तर्फ रामप्रसाद भोजपुर र दमक झापा बीच सेमिफाइनलका लागि प्रतिस्पर्धा हुनेछ ।