हतुवागढीमा आजदेखि खेलाडी छनोट वडास्तरीय भलिबल प्रतियोगिता

घोडेटार । भोजपुरको हतुवागडीमा आज देखि वडास्तरीय पुरुष तथा महिला भलिबल प्रतियोगिता हुने भएको छ ।

हतुवागढी खेलकुद विकास समितिको आयोजनामा चैत २ गतेदेखि हुन लागेको पालिका स्तरीय भलिबल प्रतियोगिताको लागि खेलाडी छनोट गर्न लागिएको हो ।

हतुवागढी गाउँपालिकाको प्रायोजन तथा हतुवागढी खेलकुद विकास समितिद्धारा आयोजित खेलाडी छनोट प्रतियोगितामा हतुवागढी गाउँपालिका अन्तर्गतका वडाहरुबाट खेलाडीहरुको सहभागिता रहने छ ।

खेलाडी छनोट प्रतियोगितामा पुरुष तर्फ प्रथम हुने भलिबल टिमले ५१ हजार एक सय एक र दोस्रो हुने टिमले ३५ हजार पाँच सय ५५ नगद पुरस्कार प्राप्त गर्नेछन् । त्यस्तै महिला तर्फ प्रथम हुने टिमले ३० हजार ३ सय ३३ र दोस्रो हुने टिमले २० हजार २ सय २२ नगद पुरस्कार प्राप्त गर्नेछन् ।

त्यस्तै सोह्ी अवसरमा बुद्धीचाल, डोरी तान र टेबल टेनिस प्रतियोगिता पनि हुने भएको छ ।