मरिन रिसोर्ट प्रालिले दसैंभर बराहक्षेत्र-कोप्चे वाटरबोट सञ्चालन गर्ने

शेयर गर्नुहोस

१० असोज, घोडेटार । सुनसरीको चतराघाट बाट भोजपुरको कोप्चे सम्म चल्दै आएको वाटरबोट बराहक्षेत्र देखि कोप्चेसम्म चल्ने भएको छ ।

दसैं तिहार लक्षित यात्रुहरुलाई सहजताको लागि सञ्चालनमा आएको बराहक्षेत्र एण्ड मरिन रिसोर्ट प्रालीले बुधबार देखि बराहक्षेत्रबाट कोप्चे सम्मका लागि जेटबोट सञ्चालन गर्ने भएको हो ।

बराहक्षेत्रबाट छोटो दुरी हुने तथा छिटो आवतजावत हुने हुँदा यात्रुलाई सहजताको लागि बराहक्षेत्रबाट ४० सिट क्षमताको ओपन बोट सञ्चालन गर्न लागिएको प्रालिका सुपरभाइजर खगेन्द्र घिमिरेले बताएका छन् ।

बराहक्षेत्रदेखि सञ्चलनको लागि मंगलबार ट्रायल सफलतापूर्वक गरिएको हो । तर, बराहक्षेत्र सम्म ल्याउन कठिन हुने ठुला सामाग्रीहरु चतराघाट देखि नै ल्याइने जनाइएको छ । प्रालिका सुपरभाइजर घिमिरेले भने, ‘दसैंमा गाउँ फर्किने यात्रुहरुको बढ्दो चाप हुन्छ, उहाँहरुलाई छिटो यात्राको लागि दसैं अवधिभर बराहक्षेत्रबाट सञ्चालन गर्ने भएका छौं । दसैं पछि पानीको बहाब कम भए सँग पुन: चतराघाट बाट सञ्चालन गर्नेछौं ।’

केही दिन अघि बोट दुर्घटना भएको खबर झुटो रहेको समेत उनले बताए । ‘बराहक्षेत्र घुम्तिमा पानीको छालले लागेर अगाडीको सिसा फुटेको थियो । फुटेको सिसाबाट पानी छिर्ने भए पछि केही दिनलाई स्थगित गर्यौं’ उनले भने, ‘मेसिनरी साधन कुनबेला समस्या आइ पर्छ, अझ जल यात्रा भएको कारण पानीको भेलमा भर पर्नु पर्ने हुँदा छिनमा बन्द गरेर बस्नु पर्ने अवस्था आउन सक्छ । यात्रुहरुलाई ढुक्क भएर यात्रा गर्न आग्रह गर्दछु ।

सप्तकोसीमा जेटबोट सञ्चालनले भोजपुरको दक्षिणी क्षेत्र, धनकुटाको सिम्ले, अखुवाटार, त्रिवेणी, साङ्कामा र सप्तकोसी किनारका उदयपुरका बासिन्दाहरु लाभान्वित हुने गरेका छन् ।
बर्खाको समय नदिमा पानीको भेल बाढी आए सँगै जेटबोट सञ्चालन नहुँदा भोजपुर हतुवागढीका स्थानीय महंगो भाडा तिरेर जोखिमको यात्रा गर्न तथा साविकको बाटो अक्करे हुँदै लिस्नो लाएर यात्रा गर्नुको विकल्प छैन ।

अन्य पोष्टहरु

कोशी प्रदेशले ल्यायो बजेट ३५ अर्ब २७ करोड

कोशी प्रदेशले ल्यायो बजेट ३५ अर्ब २७ करोड

शेयर गर्नुहोस विराटनगर । कोशी प्रदेश सरकारले आगामी आर्थिक वर्षका लागि ३५ अर्ब २७ करोड ९३…
माघ २४ देखि जनता क्याम्पसमा ‘स्ववियु कप–२०८०’ हुँदै, यी हुन् खेलहरुः अनलाइन आवेदन भर्नुहोस्

माघ २४ देखि जनता क्याम्पसमा ‘स्ववियु कप–२०८०’ हुँदै, यी हुन् खेलहरुः अनलाइन आवेदन भर्नुहोस्

शेयर गर्नुहोस इटहरी । जनता बहुमुखी क्याम्पस इटहरीमा ‘स्ववियु कप २०८०’ सप्ताहव्यापी खेलकुद समारोह हुने भएको…
भोजपुरको लुङथुङमा १० बर्षीया बालिका झुण्डिएको अवस्थामा मृत फेला

भोजपुरको लुङथुङमा १० बर्षीया बालिका झुण्डिएको अवस्थामा मृत फेला

शेयर गर्नुहोसमाघ १०, घोडेटार । भोजपुरको हतुवागढी गाउँपालिका ४ स्थित लुङथुङमा एक बालिका झुण्डिएको अवस्थामा मृत…