अवरुद्ध घोडेटार-चुवार सडकखण्ड भोलि मात्रै खुल्ने

शेयर गर्नुहोस

अर्जुन राई अपहेलित 

हसनपुर । भोजपुर जिल्लाको घोडेटार-चुवार सडकखण्ड भोलि बिहान मात्रै खुल्ने भएको छ ।

केही दिन यता लगातार भएको वर्षातको कारण हतुवागढी गाउँपालिका -९ ज्यामिरे चौक र उखुबारी स्थित पहिरो खस्दा मंगलबार (हिजो) देखि अवरुद्ध सडक भोलि मात्र खुल्ने भएको हो ।

आज हतुवागढी गाउँपालिकाका अध्यक्ष प्रेमकुमार राई र उपाध्यक्ष सुनिता किराँती सहितको टोलीले अनुगमन गरे पश्चात् स्काभेटर प्रयोग गरि पहिरो पन्छाउन थालिएको हो ।

ज्यामिरे स्थित कन्सिरी चोक उत्तर पट्टि पहिरोका कारण सडक भासिएको र नयाँ ट्राक खोल्न परेको वडाध्यक्ष सन्जल राईले जानकारी दिए ।
उनले भने, ‘ज्यामिरे स्थिर सडक भासिएर नयाँ ट्राक खोल्ने क्रममा ढुङ्गा भेटिएको हुँदा काममा ढिलाई भएको छ, भोलि बिहान त्यसको मर्मत सकेर उखुबारी स्थितको पहिरो पन्छाए पछि लगभग बिहान १० बजे सम्ममा बाटो खुल्नेछ ।’

हतुवागढी -९ वडाकार्यलयले आवतजावतमा रहेका यात्रुहहरुलाई संभावित पहिरोको जोखिमलाई मध्यनजर गर्दै सुरक्षित रहन अनुरोध गरेको  छ ।

हतुवागढीबाट उदयपुरको मैनामैनी हुँदै तराई जोड्ने उक्त सडक अवरुद्ध हुँदा आमस्मिक कामका लागि धरान, इटहरी, विराटनगर लगायतका स्थानमा जान लागेका यात्रु मारमा परेका छन् ।
वर्षातका कारण हतुवागढी र उदयुर मैनामैनी, कोसोपा खोला आसपासमा समेत सडक अवरोद्व भएको अस्थायी प्रहरी कार्यलय हसनपुरका प्रमुख कमल श्रेष्ठले जानकारी दिए ।
घोडेटार-चुवार सडक खुले पनि उदयपुरको मैनामैनी हुँदै तराइ जोड्ने सडक अवरुद्ध हुँदा आवातजावतमा समस्या रहने उनले बताए ।

अन्य पोष्टहरु

कोशी प्रदेशले ल्यायो बजेट ३५ अर्ब २७ करोड

कोशी प्रदेशले ल्यायो बजेट ३५ अर्ब २७ करोड

शेयर गर्नुहोस विराटनगर । कोशी प्रदेश सरकारले आगामी आर्थिक वर्षका लागि ३५ अर्ब २७ करोड ९३…
माघ २४ देखि जनता क्याम्पसमा ‘स्ववियु कप–२०८०’ हुँदै, यी हुन् खेलहरुः अनलाइन आवेदन भर्नुहोस्

माघ २४ देखि जनता क्याम्पसमा ‘स्ववियु कप–२०८०’ हुँदै, यी हुन् खेलहरुः अनलाइन आवेदन भर्नुहोस्

शेयर गर्नुहोस इटहरी । जनता बहुमुखी क्याम्पस इटहरीमा ‘स्ववियु कप २०८०’ सप्ताहव्यापी खेलकुद समारोह हुने भएको…
भोजपुरको लुङथुङमा १० बर्षीया बालिका झुण्डिएको अवस्थामा मृत फेला

भोजपुरको लुङथुङमा १० बर्षीया बालिका झुण्डिएको अवस्थामा मृत फेला

शेयर गर्नुहोसमाघ १०, घोडेटार । भोजपुरको हतुवागढी गाउँपालिका ४ स्थित लुङथुङमा एक बालिका झुण्डिएको अवस्थामा मृत…