खोटाङ केन्द्रबिन्दु भएर ६ म्याग्निच्युडको भूकम्प , भोजपुरमा एक घर भत्कियो

भोजपुर । खोटाङ केन्द्रबिन्दु भएर ६ म्याग्‍निच्यूडको भूकम्प गएको छ । राष्ट्रिय भूकम्प मापन केन्द्रका प्रमुख लोकविजय अधिकारीका अनुसार ६ म्याग्‍निच्यूडको भूकम्प गएको हो । ‘खोटाङको मात्तिम बिर्ता ​ केन्द्रबिन्दु भएर बिहान ८ बजेर १३ मिनेटमा ६ म्याग्‍निच्यूडको भूकम्प मापन भएको छ’, प्रमुख अधिकारिले बताउनुभयो । भूकम्पको धक्का पूर्वी नेपालमा कडा महसुश भएको थियो भने काठमाडौंमा सामान्य महसुश भएको थियो । भूकम्पबाट के कति क्षति भयो भन्नेबारे खुलिसकेको छैन ।भुकप्पबाट भोजपुर नगरपालिका १२ टक्सारमा एक घर भत्केको छ । स्थानिय प्रमोद हलवाईको घर भत्किएको छिमेकि सागर उदासले जानकारी दिनुभयो । जिल्ला प्रशासन कार्यालय भोजपुरका प्रमुख जिल्ला अधिकारी हरिप्रसाद घिमिरेका अनुसार हाल सम्म क्षतिको विवरण आइसेको छैन ।