हतुवागढी गाउँपालिकाले ल्यायो ४२ करोड ३ लाखको बजेट

घोडेटार । भोजपुरको हतुवागढी गाउँपालिकाले आर्थिक वर्ष २०७९/०८० को लागि ४२ करोड तीन लाख १८ हजार रुपैयाँको बजेट ल्याएको छ ।

शुक्रबार सम्पन्न दोश्रो गाउँसभा तथा प्रथम अधिवेशनमा पालिका उपाध्यक्ष सुनिता किरातीले आगामी आर्थिक वर्षका लागि ४२ करोड ३ लाख १८ हजार रूपैयाँको बजेट पेस गरेकी हुन् ।

चालू खर्च तर्फ रु. ३० कराेड ५२ लाख ७१ हजार र पुजिगत खर्च तर्फ रु. ११ कराेड ५० लाख ४७ हजार गरि जम्मा रु ४२ कराेड ३ लाख १८ हजार काे बजेट पारित भएको भएको हो ।

गाउँपालिकाका अध्यक्ष प्रेम कुमार राईले प्रस्तुत गरेको निति तथा कार्यक्रम सर्वसम्मत ढंगले पारित भएको थियो ।

गाउँपालिकाले विशेष गरि स्वास्थ्य, शिक्षा, कृर्षी, पर्यटन, खेलकुद र भौतिक पुर्वाधार विशेष प्राथमिकतामा राखेर अर्को आर्थिक वर्षका लागि बजेट सार्वजनिक  गरेको छ ।