शिक्षा शाखा प्रमुखले शिक्षक कुटपिट गरेपछी शिक्षक महासंघको आपत्ति

शेयर गर्नुहोस

भोजपुर । शिक्षकलाई सरुवा प्रकृयाको सन्दर्भमा शिक्षा शाखा प्रमुखले कुटपिट गरेपछी नेपाल शिक्षक महासंघ अरुण गाउँपालिकाले आपत्ति जनाएको छ ।

भोजपुरको अरुण गाउँपालिका-६ पाल्पाले, जरायोटारको शिक्षक रञ्जन कुमार यादवलाई सरुवा प्रकृयाको लागि व्यक्तिगत विवरण माग गर्ने क्रममा अरुण गाउँपालिका शिक्षा शाखा प्रमुख श्याम कुमार राईले कुटपिट गरेपछी महासंघले कारबाहीको माग गरेको हो ।

बिहीबार नेपाल शिक्षक महासंघ अरुण गाउँ समितिले एक विज्ञप्ति सार्वजनिक गर्दै उक्त घटनाको भर्त्सना गरेको हो ।

विज्ञप्तिमा भनिएको छ, ‘यस्ता कुकृत्य प्रती आपत्ति प्रकट गर्दै कारबाहीको लागि सम्बन्धित निकायको गम्भीर ध्यानाकर्षण गराउँदछौं ।’

महासंघले पीडक श्याम कुमार राईलाई सार्वजनिक रुपमा माफी मगाई कानुनी कारबाही गर्न, पीडित शिक्षकलाई यथाशीघ्र उपचारको व्यवस्थापन र न्यायको प्रक्रिया बढाउन, पीडक श्याम कुमार राईलाई गाउँपालिकाको कुनै पनि शाखामा जिम्मेवारी नदिन र रिक्त शाखामा शिक्षा अधिकृतको व्यवस्था गर्न माग गरेको छ ।

उल्लेखित मागहरु यथाशीघ्र पूरा नगरिए थप संघर्षको कार्यक्रम अघि बढाउन नेपाल शिक्षक महासंघ अरुण गाउँ समिती बाध्य हुने जारी विज्ञप्तिमा उल्लेख गरिएको छ ।

उक्त घटनाको सांकेतिक विरोध स्वरुप शुक्रबार (आज) अरुण गाउँपालिका अन्तर्गतका सबै विद्यालयमा पठनपाठन बन्द रहने जनाइएको छ ।

अन्य पोष्टहरु

अवरुद्ध घोडेटार-चुवार सडकखण्ड भोलि मात्रै खुल्ने

अवरुद्ध घोडेटार-चुवार सडकखण्ड भोलि मात्रै खुल्ने

शेयर गर्नुहोस–अर्जुन राई अपहेलित  हसनपुर । भोजपुर जिल्लाको घोडेटार-चुवार सडकखण्ड भोलि बिहान मात्रै खुल्ने भएको छ…
खोटाङ केन्द्रबिन्दु भएर ६ म्याग्निच्युडको भूकम्प , भोजपुरमा एक घर भत्कियो

खोटाङ केन्द्रबिन्दु भएर ६ म्याग्निच्युडको भूकम्प , भोजपुरमा एक घर भत्कियो

शेयर गर्नुहोस भोजपुर । खोटाङ केन्द्रबिन्दु भएर ६ म्याग्‍निच्यूडको भूकम्प गएको छ । राष्ट्रिय भूकम्प मापन…
भोजपुर सेवा समाज इजरायलको अध्यक्षमा सुमिन पाख्रीन

भोजपुर सेवा समाज इजरायलको अध्यक्षमा सुमिन पाख्रीन

शेयर गर्नुहोस इनागरिक । भोजपुर सेवा समाज इजरायलको अध्यक्षमा सुमिन पाख्रीन सर्वसम्मत चयन भएका छन् ।…