सुब्बाको जागिर छोडेर वडाअध्यक्षको उम्मेदवार बनेका सञ्जल भन्छन “हसनपुरवासीको जिवनस्तर उकास्छु”

भाेजपुर । भोजपुरको सुदुर दक्षिणी हतुवागढि गाउँपालिकाको वडा नम्बर ९ हसनपुरमा पनि स्थानिय तहको चुनावी रौनक तातिएको छ । वडामा नेकपा एमाले ,नेपालि काग्रेस र नेकपा माओवादीका उम्मेदवारहरु मैदानमा छन । त्यहि मैदानमा नेकपा एमालेबाट वडाअध्यक्षको उम्मेदवार बन्नुभएको छ सञ्जल राई । गाउँपालिकामा सुब्बा सो सरहको जागिर खाइरहनुभएका सञ्जल राई जागिर हापेर वडाअध्यक्षको उम्मेदवार बन्नुभएको हो । गाउँपालिकामा रहेर काम गर्दा गाउँलेको सुःख दुःख संग नजिक रहेका राई गाउँवासिको सेवा गर्न वडा अध्यक्षको उम्मेदवार बनेको बताउनु हुन्छ । आम जनताले समेत वडा अध्यक्ष उठन आग्रह गरेपछि अलिक फरक तरिकाबाट जनताको सेवा गर्न लागेको सञ्जल राई बताउछन ।

राईको सपना

वडाअध्यक्षको उम्मेदवारि संगै राईले हसनपुरको विकास निर्माणमा आफ्नो योजना जनतामा लग्ने गरेका छन । हसनपुरलाई व्यावसायिक कृषि र पशुपालन मार्फत विकासमा अगाडि वढाउने वहाँको सपना छ । व्यावसायिक बाख्रापालनको पकेट क्षेत्र बनाउने वहाँको सोच रहेको छ । “हसनपुर व्यावसायिक पशुपालनको दृष्टीले उपयुक्त ठाउँ हो त्यसमा पनि बाख्रा पालनको अपार सम्भावना छ म यहाँको जनताको जिवन स्तर उकास्न बाख्रापालनको पकेट क्षेत्र बनाएर अगाडि वढछु । ” राईले भन्नुभयो “कृषि क्षेत्रमा यहाँ अरुण र दुधकोशिको पानि चेम्लाङ्ग,हलेदे र मचुवामा तानेर सिचाइ गर्न सके हतुवागढिमा तरकारीमा आत्म निर्भर बनाउन सकिन्छ बाकि तराई पठाउन सकिन्छ त्यसको पनि पहल गर्छु । ” यसका अलवा अदुवाको बजार र प्रसोधनका लागि पनि पहल गर्ने योजना रहेको वहाँले बताउनु भयो ।

अब्बल टिम
वडाअध्यक्षका उम्मेदवार सञ्जल राई संग अब्बल टिम चुनावी मैदानमा होमिएको छ । हसनपुरका पुराना बामपन्थि नेता बालकुमार राई र युवा नेता अनिल राई खुल्ला सदस्य उम्मेदवारी दिनुभएको हो । महिला सदस्यमा गणिता राई र दलित महिला सदस्यमा गिता सार्कीले उम्मेदवारि दिनुभएको छ । सञ्जल राई स्नातक पढाई पुरा गर्नभएको छ । अन्य उम्मेदवारहरुको प्रविणता पत्र तह भन्दा माथि शैक्षिक योग्यता रहेको छ । नेकपा एमालेले सहि उम्मेदवार चयन गरेर निर्वाचनमा होमिएको नेकपा एमाले जिल्ला कमिटी सदस्य बिशाल राईले बताउनु भयो । हामि पार्टि संगठनको जग संगै राम्रा उम्मेदवार पनि भएकोले हसनपुरलाई पुन लाल किल्ला बनाउने राईले बताउनु भयो ।

एउटै मञ्चमा प्रतिस्प्रधि
चुनावि अभियानको क्रममा कतिपय ठाउँमा प्रतिस्प्रधि संग आरोप प्रत्यारोप संगै झडप समेत हुने गरेको छ । तर हसनपुरमा भने एउटै मञ्चमा प्रतिस्प्रधि उम्मेदवारहरु संग कार्यक्रम भएको छ । हसनपुरको उखुबारिमा माओवादीका वडा अध्यक्षका उम्मेदवार केशरमान राई संग एउटै मञ्चमा कार्यक्रम भएको हो । कार्यक्रममा दुवै उम्मेदवारले आफुले गर्ने योजना सुनाउदै मतदातालाई भोट माग्नुभएको थियो । नेकपा एमालेका गाउँपालिका अध्यक्षका उम्मेदवार प्रेमकुमार राई र कमला राईले पनि आफुलाई जिताउन मत माग्नुभएको थियो । सम्भवत जिल्लामा पहिलो पटक एउटै मञ्चबाट प्रतिस्प्रधि पार्टीका उम्मेदवारले भोट मागेको हुन सक्ने स्थानिय गंगाराज राईले बताउनु भयो । हसनपुरमा नेपालि काग्रेसबाट साइति राई वडा अध्यक्षमा उम्मेदवार बन्नुभएकाे छ ।