‘थप विकास र अधुरो योजना पूरा गर्न पुनः अध्यक्षमा उम्मेदवारी’

घोडेटार । नेपाल कम्युनिस्ट पार्टी एमालेको तर्फबाट हतुवागढी-४ को वडाध्यक्ष उम्मेदवारमा चन्द्र बहादुर बिष्ट छानिएका छन् ।

पार्टीको जिल्ला कमिटी सदस्य समेत रहेका बिष्ट २०७४ को स्थानीय चुनावमा निर्वाचित वडाध्यक्ष समेत हुन् ।

माध्यमिक तहको शिक्षा हासिल गरेका ४१ वर्षीय बिष्टले वि.सं. २०५६ सालबाट एमाले पार्टीको संगठित सदस्य भएसँगै राजनैतिक यात्रा सुरु गरे ।

वैदेशिक रोजगारको क्रममा ५ वर्षको अनुभव बटुलिसकेका उनले यस अघिपनी जिल्ला कमिटी सदस्यको जिम्मेवारी सम्हालेका थिए ।

दुई कार्यकाल पञ्चकन्या आधारभूत विद्यालय व्यवस्थापन समितिको अध्यक्ष रहेका बिष्ट भलिबल खेलाडी समेत हुन् ।