हतुवागढीलाई हराउँदै झापाले जित्यो उपाधी, महिलातर्फ ओखलढुंगाको मानेभञ्ज्याङ विजयी

शेयर गर्नुहोस

      -अर्जुन राई अपहेलित
२२ चैत, बालंखा ।
भोजपुरको आमचोक गाउँपालिकामा सम्पन्न १ नम्बर प्रदेश स्तरीय अन्तर पालिका भलिबल प्रतियोगिता सम्पन्न भएको छ ।

सोमबार (हिजो) प्रदेश एकका आर्थिक मामिला तथा योजना मन्त्री इन्द्र बहादुर आङ्बोको प्रमुख आतिथ्यतामा उक्त कार्यक्रम समापन गरिएको हो ।

कार्यक्रममा मन्त्री आङ्बो समक्ष गाउँपालिका अध्यक्ष अशोक राईले आमचोकको दीर्घकालीन विकास योजना लक्षित माग पत्र पेश गरेका थिए ।

आमचोक गाउँपालिकाको आयोजना तथा आमचोक खेलकुद विकास समितिको संयोजनमा शुक्रबार देखि जारी १ नम्बर प्रदेश स्तरीय अन्तर पालिका छौंखा साकेन्वा खुल्ला पुरुष तथा महिला भलिबल तेस्रो रनिङ शिल्ड प्रतियोगिता २०७८ मा महिला पुरुष दुवै तर्फ ८/८ टिमको सहभागिता थियो ।

हिजो सम्पन्न पुरुष तर्फको फाइनल खेलमा हतुवागढी भलिबल टिमलाई १ का विरुद्ध ३ सेट जित्दै झापा गापा भलिबल टिम उपाधी विजेता बनेको हो । उपाधी विजेता बनेसँगै झापा भलिबल टिमले नगद २ लाख पुरस्कार साथमा १०१ तोलाको चाँदीको शिल्ड मेडल र प्रमाणपत्र प्राप्त गरे ।

आमचोक पालिका अध्यक्ष अशोक राई समक्ष उपाधी विजेता झापा पुरुष भलिबल टिम १०१ तोला चाँदीको शिल ग्रहण गर्दै

त्यस्तै उपविजेता बनेको हतुवागढी गापा पुरुष भलिबल टिमले नगद १ लाख ५० हजार सहित मेडल र प्रमाणपत्र प्राप्त गर्यो । प्रतियोगितामा तेस्रो बनेको आमचोक पुरुष भलिबल टिमले नगद १ लाख साथमा मेडल र प्रमाणपत्र प्राप्त गरेको छ ।

हिजै सम्पन्न महिला तर्फको फाइनल खेलमा आमचोक महिला भलिबल टिमलाई हराउँदै ओखलढुंगाको मानेभञ्ज्याङ गापा महिला भलिबल टिम उपाधी विजेता बनेको हो । उपाधी विजेता बने सँगै मानेभञ्ज्याङ भलिबल टिमले नगद १ लाख ५० हजार पुरस्कार सहित ८१ तोलाको चाँदीको शिल्ड, मेडल र प्रमाणपत्र प्राप्त गरेको छ ।

आमचोक पालिका उपाध्यक्ष सीता राई समक्ष महिला तर्फ उपाधी विजेता मानेभञ्ज्याङ टिम क्याप्टेन चन्द्र कुमारी बस्नेत ८१ तोला चाँदीको शिल्ड ग्रहण गर्दै

त्यस्तै उपविजेता आमचोक महिला भलिबल टिमले नगद १ लाख मेडल र प्रमाणपत्र प्राप्त गरेको छ भने प्रतियोगितामा तेस्रो हुन सफल रामप्रसाद राई गाउँपालिकाका महिला भलिबल टिमले नगद ५० हजार साथमा मेडल र प्रमाणपत्र प्राप्त गरेको छ ।

खेल अवधिभर पुरुष तर्फ हतुवागढीका जीवन राई वेष्ट डिपेन्डर, राजकुमार तामाङ वेष्ट स्पाइकर, झापाका रोहित सिवाकोटी वेस्ट ब्लगर, रोशन सिवाकोटी वेस्ट सर्भर, रविन गौतम वेस्ट प्लेयर्स र आमचोकका निसान राई वेस्ट सटर घोषित भएका हुन् ।

त्यस्तै महिला तर्फ आमचोककी विमला श्रेष्ठ वेस्ट स्पाइकर, रामप्रसादकी ममता राई वेस्ट सर्भर र मानेभञ्ज्याङकी प्रतिभा राई वेस्ट डिफेन्डर, रेस्मी राई वेस्ट ब्लगर, पुर्णिमा बाहिङ राई वेस्ट सटर, चन्द्र कुमारी बस्नेत बेस्ट प्लेयर घोषित भएका हुन् ।

अन्य पोष्टहरु

स्वतन्त्रवाट निर्वाचित वडाअध्यक्ष माओवादीमा फर्किने

स्वतन्त्रवाट निर्वाचित वडाअध्यक्ष माओवादीमा फर्किने

शेयर गर्नुहोस भोजपुर । रामप्रसादराई गाउँपालिका २ धोद्लेखानीमा स्वतन्त्रबाट निर्वाचित वडाअध्यक्ष राजकुमार तामाङ्गले पार्टी काममा फर्कन…
हतुवागढी-५ का वडाध्यक्षको निर्णय: आफ्नो सेवा सुविधाबाट उत्कृष्ट शिक्षक र विद्यार्थीलाई पुरस्कृत तथा सुत्केरी भत्ता प्रदान

हतुवागढी-५ का वडाध्यक्षको निर्णय: आफ्नो सेवा सुविधाबाट उत्कृष्ट शिक्षक र विद्यार्थीलाई पुरस्कृत तथा सुत्केरी भत्ता प्रदान

शेयर गर्नुहोस      –अर्जुन राई अपहेलित जेष्ठ ९, घोडेटार । भोजपुरको हतुवागढी गाउँपालिका वडा नम्बर…
मनोज पाण्डेलाई पाँच दिन हिरासतमा राखी अनुसन्धान गर्न अदालतको अनुमति

मनोज पाण्डेलाई पाँच दिन हिरासतमा राखी अनुसन्धान गर्न अदालतको अनुमति

शेयर गर्नुहोस काठमण्डाै । ल्ला अदालत काठमाडौंले बलात्कार आरोपमा पक्राउ परेका कन्सल्टेन्सी सञ्चालक मनोज पाण्डेलाई पाँच…