आमचोकमा जारी भलिबल प्रतियोगिताको फाइनलमा झापा र हतुवागढी भिड्दै

शेयर गर्नुहोस

     -अर्जुन राई अपहेलित
२० चैत, बालंखा । भोजपुरको आमचोक गाउँपालिका-४ बालंखा स्थित जारी भलिबल प्रतियोगिताको फाइनल खेल भोलि हुने भएको छ ।

आइतबार (आज) सम्पन्न पुरुष तर्फ सेमि फाइनल खेलमा षडानन्द नगरपालिका भोजपुरलाई हराउँदै झापा गाउँ पालिका र आमचोकलाई हराउँदै हतुवागढी गाउँपालिकाका भलिबल टिम फाइनल प्रवेश गरेको हो ।

आमचोक गाउँपालिकाको आयोजना तथा आमचोक खेलकुद विकास समितिको संयोजनमा शुक्रबार देखि जारी १ नम्बर प्रदेश स्तरीय अन्तर पालिका छौंखा साकेन्वा खुल्ला पुरुष तथा महिला भलिबल तेस्रो रनिङ शिल्ड प्रतियोगिता २०७८ को भोलि फाइनल खेल सँगै समापन हुनेछ ।

पुरुष तर्फ फाइनल खेलमा उपाधिको लागि झापा र हतुवागढी बीच प्रतिस्पर्धा हुने भएको छ । त्यस्तै तेस्रो पुरस्कारका लागि सेमिफाइनल खेलमा पराजित षडानन्द र आमचोक भलिबल टिम बीच प्रतिस्पर्धा हुने छ ।


फाइनल प्रवेश गरेपश्चात हतुवागढी भलिबल टिमको सामुहिक तस्वीर साथमा जिल्ला खेलकुद विकास समिती भोजपुरका अध्यक्ष प्रकाश बस्नेत र हतुवागढी खेलकुद विकास समिती अध्यक्ष बालकुमार राई

आजै सम्पन्न महिला तर्फको सेमिफाइनल खेलमा रामप्रसाद राई गाउँपालिकालाई हराउँदै आमचोक महिला भलिबल टिम फाइनलमा प्रवेश गरेको छ ।  हतुवागढी र मानेभञ्ज्याङ गाउँपालिका ओखलढुंगाबीचको सेमिफाइनल भने भोलि हुने आयोजकले जनाएको छ ।         

प्रतियोगिता महिला र पुरुष दुवैतर्फ ८ टिमको सहभागिता रहेको आमचोक खेलकुद विकास समितीका संयोजक विनोद किरातले जानकारी दिए ।

प्रतियोगितामा पुरुष तर्फ ‘ए’ पोलबाट षडानन्द नपा भोजपुर र दमक नपा झापा, टेम्केमैयुङ गापा र झापा गापा बीच पहिलो चरणको प्रतिस्पर्धा गराइएको थियो । जसमध्ये विजेता टिम षडानन्द नपा र झापा गापा भलिबल टिमबीच सेमिफाइनल खेल खेलाइएको हो । पुरुष तर्फकै ‘बी’ पोलबाट रामप्रसाद राई गापा र हतुवागढी गापा, छतर गापा तेह्रथुम र आमचोक गापा भोजपुर बीच पहिलो चरणको खेल सम्पन्न भएको हो । जसमध्ये विजेता टिम हतुवागढी गापा र आमाचोक भलिबल टिम सेमिफाइनल खेल प्रवेश गरेका थिए ।

महिला तर्फ ‘ए’ पोलबाट आमचोक गापा र टेम्केमैयुङ गापा, जन्तेढुङ्गा गापा खोटाङ र रामप्रसाद राई गापा भोजपुर बीच पहिलो चरणको खेल सम्पन्न गरिएको हो । जसमध्ये विजेता टिम आमचोक र रामप्रसाद राई महिला भलिबल टिम सेमिफाइनल प्रवेश गरेका थिए । महिला तर्फको ‘बि’ पोलबाट केपिलाशगढी गापा खोटाङ र मानेभञ्ज्याङ गापा ओखलढुंगा बीच सम्पन पहिलो चरणको खेलमा विजयी टिम मानेभञ्ज्याङ गापा ओखलढुंगाका महिला भलिबल टिम सेमिफाइनल प्रवेश गरेको हो । त्यस्तै खेलका लागि पाँचखपन नपा संखुवासभाका महिला भलिबल टिम अनुपस्थित भए सँगै हतुवागढी महिला भलिबल टिम सोझै सेमिफाइनल प्रवेश गरेको आयोजकले जनाएको छ ।

बाँकी रहेका महिला तर्फ दोस्रो सेमिफाइनल खेल तथा महिला पुरुष दुवैतर्फ फाइनल खेल भोलि (सोमबार) बिहान ७ बजे देखि सञ्चालन गरिने समेत आयोजकले जनाएको छ ।

भोलिनै हुने प्रतियोगिताको समापन कार्यक्रम प्रदेश १ का आर्थिक मामिला मन्त्री इन्द्र बहादुर आङ्बोको प्रमुख आतिथ्यता तथा आमचोक गाउँपालिका अध्यक्ष असोक राईको विशिष्ट आतिथ्यता रहनेछ ।

प्रतियोगिताको पुरुष तर्फ विजेता टिमले नगद २ लाख सहित १०१ तोला चाँदीको शिल्ड, मेडल र प्रमाणपत्र प्राप्त गर्नेछ । त्यस्तै उपविजेता टिमले नगद १ लाख ५० हजार, र तेस्रो हुने टिमले नगद १ लाख साथमा मेडल र प्रमाणपत्र प्राप्त गर्नेछन् ।

महिलातर्फ विजेता टिमले नगद १ लाख ५० हजार सहित ८१ तोला चाँदीको शिल्ड, मेडल र प्रमाणपत्र प्राप्त गर्नेछन् । त्यस्तै उपविजेता टिमले नगद १ लाख र तेस्रो हुने टिमले ५० हजार नगद पुरस्कार साथमा मेडल र प्रमाणपत्र प्राप्त गर्ने जारी सुचनामा उल्लेख छ ।

अन्य पोष्टहरु

स्वतन्त्रवाट निर्वाचित वडाअध्यक्ष माओवादीमा फर्किने

स्वतन्त्रवाट निर्वाचित वडाअध्यक्ष माओवादीमा फर्किने

शेयर गर्नुहोस भोजपुर । रामप्रसादराई गाउँपालिका २ धोद्लेखानीमा स्वतन्त्रबाट निर्वाचित वडाअध्यक्ष राजकुमार तामाङ्गले पार्टी काममा फर्कन…
हतुवागढी-५ का वडाध्यक्षको निर्णय: आफ्नो सेवा सुविधाबाट उत्कृष्ट शिक्षक र विद्यार्थीलाई पुरस्कृत तथा सुत्केरी भत्ता प्रदान

हतुवागढी-५ का वडाध्यक्षको निर्णय: आफ्नो सेवा सुविधाबाट उत्कृष्ट शिक्षक र विद्यार्थीलाई पुरस्कृत तथा सुत्केरी भत्ता प्रदान

शेयर गर्नुहोस      –अर्जुन राई अपहेलित जेष्ठ ९, घोडेटार । भोजपुरको हतुवागढी गाउँपालिका वडा नम्बर…
मनोज पाण्डेलाई पाँच दिन हिरासतमा राखी अनुसन्धान गर्न अदालतको अनुमति

मनोज पाण्डेलाई पाँच दिन हिरासतमा राखी अनुसन्धान गर्न अदालतको अनुमति

शेयर गर्नुहोस काठमण्डाै । ल्ला अदालत काठमाडौंले बलात्कार आरोपमा पक्राउ परेका कन्सल्टेन्सी सञ्चालक मनोज पाण्डेलाई पाँच…