हतुवागढीको २ नम्बर वडामा एमाले उम्मेदवार बिचारी थापाको प्यानलै विजयी

घोडेटार । भोजपुरको हतुवागढी गाउँपालिका २ को वडाध्यक्षमा एमालेका उम्मेदवार बिचारी थापा निर्वाचित भएका छन् ।

आइतबार (आज) बिहान ३:३० बजे सम्पन्न मतगणनामा ६४० मतका साथ वडाध्यक्षमा बिचारी थापा प्यानलै सहित विजयी भएका हुन् ।

उनका निकटतम प्रतिद्वन्द्वी नेपाली कांग्रेसका नारद राईले ४७८ मत प्राप्त गरेका हुन् । वडाध्यक्षमा जनता समाजवादी पार्टीका उम्मेदवारी दिएका मणि राईले मत ल्याउन सकेनन् ।

वडा नम्बर २ मा ११६२ कुल मत खसेको थियो । जसमा नेकपा एमालेका उम्मेदवारहरु प्यानलै विजयी भएका हुन् ।