आज देखि खुल्यो निमावि तहको अध्यापन अनुमति पत्रको आवेदन, कार्तिकमा परिक्षा हुने

साउन ११, काठमाडौ । शिक्षक सेवा आयोगले निम्न माध्यमिक तह अध्यापन अनुमति पत्रका लागि दरखास्त आह्वान गरेको छ ।

आयोगले बिहीबार एक सूचना जारी गर्दै न्यूनतम् योग्यता र तालिम पुगेका इच्छुक व्यक्तिहरूले बिहीबारदेखि आवेदन दिन सक्ने जनाएको हो ।

भाद्र ८ गतेसम्म दरखास्त बुझाउने समय छ भने दोब्बर दस्तुर बुझाएर दरखास्त दिन समय भाद्र १५ गतेसम्म छ। दरखास्त फारम भर्ने अन्तिम मितिसम्म १८ वर्ष पूरा भएकोले फारम भर्न सक्नेछन्।

शिक्षा विषयमा माध्यमिक (+२) उतिर्ण गरेको र माध्यमिक तह उतिर्ण गरि शिक्षा विषयमा कम्तिमा १० महिना तालिम पुरा गरेकाहरुले आवेदन दिन पाउनेछन् ।
अध्यापन अनुमति पत्रको परिक्षा भने २०८० कार्तिक १८ गते हुने जारी सुचनामा उल्लेख छ ।

आवेदन आयोगको अनलाइन प्रणालीमार्फत दिनुपर्नेछ । अनलाइन दरखास्तमा आवेदन गर्दा व्यक्तिगत विवरण एवम् पेश गरेका कागजातहरू राजश्व दस्तुर बुझाइसकेपछि परिमार्जन गर्न नसकिने सूचनामा उल्लेख छ ।

दरखास्त फारम अनलाइनबाट भर्न सकिन्छ। आयोगको वेवसाइट https://license.tsc.gov.np/ मा गएर अनलाइन एप्लिकेशनबाट दरखास्त भर्न सकिने आयोगले निकालेको सूचनामा उल्लेख छ।