भोजपुरमा एकै परिवारका चार जनाको विभत्स हत्या, ज्वाई पक्राउ

भोजपुर । भोजपुरको रामप्रसादराई गाउँपालिका–२ धोद्लेखानीमा एकै परिवारका चार जनाको विभत्स हत्या भएको छ ।

भोजपुर नगरपालिका–२ हेलाैछा घर भएका राजेन्द्र राईले आफ्नै ससुराली पक्षका चार जनाको हत्या गरेका हुन् । जिल्ला प्रहरी कार्यालय भोजपुरका अनुसार हत्या हुनेमा ससुरा वेलबहादुर गिरी, सासु मञ्जु गिरी, श्रीमती मनिषा गिरी र सपन गिरी रहेका छन् ।

प्रहरीका अनुसार हत्याको कारण अहिले अनुसन्धानको क्रममा छ भने घटनास्थलमा प्रहरी टोली खटिएको छ । प्रारम्भिक विवरण अनुसार घरेलु विवादका कारण घटना भएको हुन सक्ने अनुमान गरिएको छ तर विस्तृत विवरण आउन बाँकी छ ।

पक्राउ परेका राईलाई नियन्त्रणमा लिएर थप अनुसन्धान थालिएको जिल्ला प्रहरी कार्यालय भोजपुरले जनाएको छ ।