गुरु योजना बनाउदै एमाले भोजपुर

भोजपुर । नेकपा एमाले भोजपुरले जिल्लाको विकास र समृद्धि समेटेर गुरु योजना निर्माणको काम शुरु गरेको छ । पार्टिको आधिकारिक योजना सहित जिल्लाको समग्र विकासको लागि गुरु योजना निर्माणको काम थालिएको नेकपा एमाले भोजपुरका अध्यक्ष एवं गुरु योजना निर्माण समितिका संयोजक शरणकुमार राईले बताउनु भयो । बदलिदो राजनितिक परिस्थिति तथा विश्वभर बिकास प्रणालीमा आइरहेको परिवर्तन अनुसार जिल्लाको बिकासलाई गतिशिल बनाउन गुरु योजना बनाइएको अध्यक्ष राईले बताए ।

गुरु योजना मार्फत भोजपुरको जनताको आर्थिक अवस्थालाई उकास्दै समृद्धिमा जोडिने राईको बताए । गुरु योजना तयारिका लागि विज्ञ समुहका सदस्यहरु प्रकास राई , बालकृष्ण  दाहाल र राजेश राईले सहजिकरण गरिरहनु भएको छ । जिल्ला समन्वय समितिको बैठकहलमा बिहिवार र शुक्रबार कार्यशाला सञ्चालन गरिएको छ । कार्यशालामा विज्ञ सदस्यका साथै पार्टिका नेताहरुहरुको सहभागिता रहेको नेकपा एमाले भोजपुरका उपाध्यक्ष मक्कर खड्काले बताउनु भयो । गुरु योजना तयारी सिंगै निर्वाचनमा सोहि योजनाको आधारमा जनताको माझमा जाने नेकपा एमालले जनाएको छ ।