माघ २३ मा प्रदेश १ सभा बैठक, नामकरण बाँकी हुँदा सार्वजनिक चासो

विराटनगर । प्रदेश १ को पहिलो अधिवेशनको छैटौं बैठक माघ २३ गते हुने भएको छ ।

पुस ३० मा अर्को सूचना नहुन्जेलसम्मका लागि प्रदेशसभा बैठक स्थगित गरेका सभामुख बाबुराम गौतमले प्रदेशसभाको बैठक माघ २३ गते दिउँसो १ बजेका लागि बोलाएका हुन् ।

प्रदेशसभामा बिजनेस अभाव भएको र प्रमुख प्रतिपक्षी दल कांग्रेस चासो नदिँदा लामो समय बैठक स्थगित भएको प्रदेश सांसदहरूको गुनासो छ । प्रदेशको नामकरण हुन बाँकी रहेकाले प्रदेशसभा बैठक सार्वजनिक चासोको विषय बनेको हो ।