लुङ्थुङमा बेपत्ता ७ वर्षीया बालिका मृत अवस्थामा फेला

कार्तिक ८, हतुवागढी । भोजपुरको हतुवागढी -४ लुङ्थुङमा ७ वर्षीया बालिका मृत फेला परेकी छिन् ।

साविक खैराङ गाविस ५ लुङ्थुङका सुरेश राईको ७ वर्षीया छोरी प्रतीक्षा राई नजिकै जंगलको ओडारमा मृत भेटिएकी हुन् ।

कार्तिक ५ गते देखि बेपत्ता उनलाई खोजी गर्ने क्रममा (आज) मंगलबार बिहान १ बजे फेला पारिएको हो ।

सोमबार इलाका प्रहरी कार्यलय घोडेटारका प्रमुख प्र.नि. धन बहादुर राजवंशी लगायत सयौंको संख्यामा प्रहरी, म्यादी प्रहरी र स्थानीयहरुको सहभागितामा खोजी गरिएको थियो ।
स्थानीयको लगातारको खोजी कार्यपछी नजिकै जंगलको ओडारमा मृत अवस्थामा फेला परेकी हुन् । अघिल्लो पटक खोज्दा नभेटेपछि पुन खोज्ने क्रममा त्यही ओडारमा भेटिएको एक स्थानीयले बताए ।

शंकास्पद गाउँमा गुरु भनेर चिनिने एक व्यक्तिलाई अनुसन्धानको लागि इलाका प्रहरी कार्यलय घोडेटारले नियन्त्रणमा लिएको छ । घटनाको पूरा विवरण आउन बाकी……………