भोजपुरको हतुवागढीमा भरुवा बन्दुक प्रहारबाट एक घाइते

घोडेटार । भोजपुरको हतुवागढी गाउँपालिका–२ स्थित भरुवा बन्दुक प्रहारबाट एक घाइते भएका छन् ।

२७ वर्षीय दिकपाल राईले स्थानीय २८ वर्षीय विश्वहाङ राईलाई भरुवा बन्दुकबाट गोली प्रहार गरेका थिए ।

प्रहरीले बुधवार राति एकथान भरुवा बन्दुकसहित २७ वर्षीय दिकपाल राईलाई पक्राउ गरेको हो । 

बन्दुकको छर्रा लागी विश्वहाङ घाइते भएका छन् । घाइते विश्वहाङको धरानस्थित विपी प्रतिष्ठानमा उपचार भइरहेको प्रहरीले जनाएको छ । 

घटनापछि दिकपाललाई इलाका प्रहरी कार्यालय घोडेटारबाट खटिएको प्रहरी टोलीले बन्दुकसहित पक्राउ गरेको हो । यस सम्बन्धमा प्रहरीले थप अनुसन्धान गरिरहेको जनाएको छ ।