एमालेले खोल्यो खाता, ललितपुर -२ मा एमालेका महर्जन विजयी
- समाचार
- November 21, 2022
काठमाडौं । ललितपुर क्षेत्र नम्बर २ मा नेकपा एमालेका प्रेम महर्जन विजयी भएको छ ।
मतगणना सुरुदेखिकै अग्रता लिएका महर्जन अझ फराकिलो मतान्तर बनाउँदै विजयी भएका हुन् ।
अन्तिम मतपरिणाम अनुसार एमाले उम्मेदवार महर्जनले १९ हजार ८ सय ३४ मत प्राप्त गरेका हुन् । उनलाई पछ्याउँदै हाम्रो नेपाली पार्टीका सुदिन शाक्यले १० हजार ४ सय ४० मत प्राप्त गरे ।
त्यस्तै राष्ट्रिय स्वतन्त्र पार्टीका बुद्धरत्न महर्जनले १० हजार १ सय ३६, नेकपा एकीकृत समाजवादीका कृष्णलाल महर्जनले ९ हजार ५ सय ३९, राष्ट्रिय प्रजातन्त्र पार्टीका रघुवरराज थापाले ७ हजार ७ सय ९९ मत प्राप्त गरेका हुन् ।
