कांग्रेसले खोल्यो खाता, मुस्ताङबाट प्रतिनिधिसभामा योगेश गौचन थकाली विजयी
- समाचार
- November 21, 2022
काठमाडौं । प्रतिनिधिसभा निर्वाचन २०७९ अन्तर्गत मुस्ताङ क्षेत्र नं १ मा नेपाली कांग्रेसका उम्मेदवार योगेश गौचन थकाली विजयी भएका छन् ।
सोमबार सम्पन्न जिल्लाको मतगणना अनुसार कांग्रेसका उम्मेदवार थकाली ३९९२ मत ल्याई विजयी भएका हुन ।
उनका निकटतम प्रतिद्वन्द्वी नेपाल कम्युनिष्ट पार्टी (एमाले)का उम्मेदवार प्रेमप्रसाद तुलाचनले ३०७८ मत पाए भने राष्ट्रिय स्वतन्त्र पार्टीका सुदेश गुरुङले ८७मत र राष्ट्रिय प्रजातन्त्र पार्टी नेपालका प्रविणकुमार शेरचनले १३ मत प्राप्त गरेका हुन् ।
निर्वाचन आयोगका अनुसार मुस्ताङमा ७ हजार २३० मत खसेको थियो ।
