मुख्यमन्त्री राजेन्द्र राईको स्वकीय सचिवद्धरा स्वतन्त्र उम्मेदवारलाई ज्यानमार्ने धम्की

भोजपुर । भोजपुरका प्रतिनिधि सभाका स्वतन्त्र उम्मेदवार दिलिपकुमार खतिवडालाई आक्रमण भएको छ । प्रदेश नं.१ का मुख्यमन्त्रि एवं प्रदेश सभा १ का गठबन्धन दलका उम्मेदवार राजेन्द्रकुमार राईको स्वकीय सचिव भद्र पराजुलीले हातपात संगै ज्यान मार्ने धम्कि दिएको स्वतन्त्र उम्मेदवार दिलिपकुमार खतिवडाले बताएका छन ।
दिंलाको स्थानिय होटलमा आफुमाथि आक्रमण भएकोे स्वतन्त्र उम्मेदवार दिलिप कुमार खतिवडाले बताए । आफुलाई जुनसुकै बेला आक्रमण हुन सक्ने बताउदै खतिवडाले शुरक्षाको माग समेत गरेका छन ।

“षडानन्द नगरपालिकाका पुर्व मेयर विरवल राई सहित खाना खादै राजनैतिक कुराकानी भइरहेको बेला स्वकीय सचिव भद्र पराजुलीबाट कसलाई झोले भनेको भन्दै म माथि एक्कासि आक्रमण भयो ।” स्वतन्त्र उम्मेदवार खतिवडाले भने “सत्ताको आडमा मलाई आक्रमण गरियो, निर्वाचनपछि भागेर कहाँ जान्छस हेरौला भनेर धम्काए ।” यस विषयमा बुझ्न मुख्यमन्त्री राईका स्वकीय सचिव भद्र पराजुलिलाई सम्पर्क हुन सकेन ।