मोरङमा ट्याक्टरको ठक्करबाट ८१ वर्षीय वृद्धको मृत्यु

  विराटनगर । मोरङको कानेपोखरी गाउँपालिका–७ स्थित भित्रि सडक खण्डमा ट्रयाक्टको ठक्करबाट बृद्धको मृत्यु भएको छ ।

सोमबार बिहान साढे ७ बजेको समयमा प्रदेश १–०२–००३ त ८२० नम्बरको ट्रयाक्टरले ठक्कर दिदा पैदल यात्री लेटाङ–५ का ८१ बर्षीय मान बहादुर राईको ज्यान गएको हो ।

ठक्करबाट गम्भीर घाइते बनेका राईको मदन भण्डारी अस्पताल तथा ट्रमा सेन्टर उर्लावारीमा उपचारको क्रममा मृत्यु भएको हो । ठक्कर दिने ट्रयाक्टर र चालक मिक्लाजुङ–५ मोरङका महेश कार्कीलाई इलाका प्रहरी कार्यालय पथरीले नियन्त्रणमा लिई थप अनुसन्धान भईरहेको जनाइएको छ ।