फागुन ११ गतेबाट केपी ओली कप हुँदै, विजेताले १० लाख पाउने

 काठमाडौँ । नेकपा एमालेको भातृ संगठन राष्ट्रिय युवा संघको आयोजनामा केपी ओली कप राष्ट्रिय फुटबल च्याम्पियनसिप हुने भएको छ ।

शुक्रबार संघले पत्रकार सम्मेलन गर्दै नेकपा एमालेका अध्यक्ष केपी शर्मा ओलीको नाममा आयोजना हुन लागेको उक्त प्रतियोगिता फागुन ११ गतेबाट सुरु हुने जनाएको हो ।

प्रतियोगितामा प्रथम हुने टोलीले १० लाख तथा दोस्रो हुने टोलीले ५ लाख प्राप्त गर्ने छन् । त्यस्तै प्रत्येक खेलको विजेताले २५ हजार तथा हरेक खेलका उत्कृष्ट खेलाडीले १५ हजार प्राप्त गर्दा उदीयमान खेलाडीले ५० हजार प्राप्त गर्ने आयोजकले जनाएको छ ।
टिम र खेलतालिकाबारे अर्को पत्रकार सम्मेलन गरेर जानकारी दिने आयोजकले जनाएको छ ।