आमा–छोरा झुण्डिएको अवस्थामा मृत फेला
- समाचार
- January 25, 2023
काठमाडौं । रोल्पामा आमा–छोरा झुण्डिएर आत्महत्या गरेको अवस्थामा मृत फेला परेका छन् ।
रोल्पा नगरपालिका वडा नं ६ घर भएकी ३४ वर्षीया आमा चन्द्राकुमारी दमाई र उनका १५ वर्षीय छोरा मुकेश विक रून्टीगढी गाउँपालिका वडा नं. ७ बलबाङस्थित एक घरमा मृत फेला परेका हुन् ।
बलबाङका स्थानीय सुन्दर चलाउनेको खाली घरभित्र बलोमा एउटै सल काटेर दुई वटैले सोही सलको प्रयोग गरी झुण्डिएर आत्महत्या गरेको भन्ने खुलेको प्रहरीले जनाएको छ । घटनास्थलमा इलाका प्रहरी कार्यालय होलेरीबाट प्रहरी टोली पुगेको जिल्ला प्रहरी प्रमुख डिएसपी विनोद घिमिरेले बताए ।
आमा–छोरा एक दिन पहिले मात्रै त्यहाँ आएको स्थानीयले बताएका छन् । उनीहरू काठमाडौंमा इट्टाभट्टामा काम गरी फर्किएको स्थानीयले जानकारी दिएको प्रहरीले बताएको छ ।