सुम्निमापारुहाङ प्रतिमा निर्माणको लागि किसारा जुम्लेखा युकेको ६३ लाख २३ हजार ७२३ सहयोग

काठमाडौं । किरात साम्पाङ राई जुम्लेखा युकेले धरान उपमहानगरपालिकाका मेयर हर्क साम्पाङलाई आर्थिक सहयोग प्रदान गरेको छ ।

बेलायत भ्रमणमा रहेका मेयर साम्पाङलाई फोक्स्टन स्थित लेमन लिफ रेस्ट्रुरेन्टको सभाहलमा स्वागत तथा अभिनन्दन संगै आर्थिक सहयोग प्रदान गरिएको हो ।

धरान स्थित चिण्डे (वाबु) डाँडामा बन्न लागेको सुम्निमा पारुहाङ प्रतिमा निर्माणको लागि ६१ लाख ९८ हजार सात सय बत्तिस रुपैंया संस्थागत रुपमा प्रदान गरिएको किरात राई यायोक्खा केन्द्रीय सदस्य रामचन्द्र राईले जानकारी दिए ।

सुम्निमा पारुहाङ प्रतिमा निर्माण अभियानकै लागि मेयर हर्क साम्पाङ यतिखेर सप्ताहब्यापि युके भ्रमणमा रहेका छन । मेयर साम्पाङको सो अभियानमा थप सहयोग जुटने किरात साम्पाङ राई जुम्लेखा युकेका अध्यक्ष शिवराम साम्पाङ राईले बताए ।