उधौलीको अवसरमा सिन्द्राङमा साविक वडास्तरीय पुरुष/महिला भलिबल प्रतियोगिता

घोडेटार । भोजपुरको हतुवागढी गाउँपालिका ३ सिन्द्राङमा साविक वडास्तरीय भलिबल प्रतियोगिता हुने भएको छ ।

सिर्जनशिल युवा क्लब हतुवागढी -३ ले “अग्रजहरुलाई सम्मान, युवालाई प्रोत्साहन” भन्ने नाराका साथ पुरुष/महिला भलिबल प्रतियोगिता गर्न लागेको हो ।

उक्त प्रतियोगिता मंसिर २३ शनिबार बाट सुरु हुनेछ । हतुवागढी ३ सिन्द्राङको छोटिडाँडा खेल मैदानमा हुने उक्त प्रतियोगितामा सिन्द्राङ गाविस अन्तर्गतको साविक वडाहरुबाट मात्रै खेलाडी सहभागी हुन पाउने आयोजकले जनाएको छ ।

प्रतियोगितामा पुरुष तर्फ विजेताले २० हजार एक सय र उपविजेताले १२ हजार एक सय रुपैयाँ साथमा ट्रफी मेडल र प्रमाणपत्र प्राप्त गर्नेछन् भने महिला तर्फ विजेताले १२ हजार एक सय र उपविजेताले ६ हजार एक सय रुपैयाँ नगद पुरस्कार सहित ट्रफी, मेडल र प्रमाणपत्र प्राप्त गर्नेछन् ।