हतुवागढीमा आज देखि प्रथम हेण्ड बल प्रशिक्षण हुँदै

–अर्जुन राई अपहेलित
घोडेटार । भोजपुरको हतुवागढी गाउँपालिका-१ घोडेटार स्थित हेण्डबल प्रशिक्षण हुने भएको छ ।

भोजपुर हेण्डबल संघको आयोजनामा हुन लागेको उक्त प्रशिक्षण बिहीबार (आज) देखि सुरु हुन लागेको हो ।

हतुवागढी गाउँपालिकाको प्रायोजनमा हुन लागेको उक्त प्रशिक्षण एक हप्ता सम्म सञ्चालन हुने आयोजकले जनाएको छ । प्रशिक्षण अवधिभर संघका राष्ट्रिय खेलाडी सविन राईको नेतृत्वमा तीन जना प्रशिक्षक रहनेछन् ।

विद्यार्थीहरुलाई लक्षित गरेर हेण्डबल प्रशिक्षण आयोजना गरिएको भोजपुर हेण्डबल संघका अध्यक्ष मुक्ती राईले बताए । उक्त प्रशिक्षणमा सहभागिताको लागि सगरमाथा मावी घोडेटारमा सम्पर्क गर्न सकिने जनाइएको छ ।