नेविसंघद्धारा जनता क्याम्पसमा वृक्षरोपण

इटहरी । सुनसरीको इटहरी स्थित जनता बहुमुखी क्याम्पसमा वृक्षरोपण गरिएको छ ।

मंगलबार (हिजो) नेपाल विद्यार्थी संघको ५३ औं स्थापना दिवसको अवसरमा क्याम्पस परिसरमा वृक्षरोपण गरिएको हो ।

संघको ५३ औं स्थापना दिवसको अवसर पारेर नेविसंघ जनता क्याम्पस इकाइ समितिको आयोजनामा उक्त वृक्षरोपण कार्यक्रम गरिएको विद्यार्थी नेता रमेश कोइरालाले जानकारी दिए ।

उक्त वृक्षरोपण कार्यक्रममा नेपाली काँग्रेस सुनसरी क्षेत्र नम्बर २ ‘क’ का सभापति सुभेच्छु देवानको प्रमुख आतिथ्यता रहेको थियो ।

कार्यक्रमलाई सम्बोधन गर्दै प्रमुख अतिथि देवानले नेविसंघले आफ्नो स्थापना स्थापना काल देखि नै विद्यार्थीहरुको हकहितमा काम गर्दै आएको उल्लेख गर्दै स्थानीय तहको निर्वाचनमा नेपाली कांग्रेस र लोकतान्त्रिक गठबन्धनका उम्मेद्धारलाई जिताउन आग्रह गरे ।

नेविसंघ जनता बहुमुखी क्याम्पसका इकाइ सभापति सहदेव काफ्लेको संयोजकत्वमा भएको कार्यक्रममा नेविसंघ सुनसरी सभापति वुद्धहाङ लिम्बु, युवा नेता विकास केसी, क्याम्पसका प्रध्यापक तथा विद्यार्थी नेताहरुको उपस्थिति रहेको थियो ।