भोजपुरमा आम्चोक र अरुण गाउँपालिका बाहेकमा गठबन्धन हुने

भोजपुर – आशन्न स्थानीय तह निर्वाचनमा देशभर गठबन्धन गर्ने निर्णय गरेका सत्ता गठबन्धनका दलहरुले भोजपुरमा स्थानिय तहको भागबण्डा टुंग्याएका छन्। काग्रेसलाई ५ माओवादीलाई २ वटा स्थानिय तह भागमा परेकाे हाे ।

आम्चोक र अरुण गाउँपालिका बाहेकका स्थानिय तह र जिल्ला समन्वय समितिको भागबन्डा भएको हो । जसमा नेपालि काग्रेसले भोजपुर नगरपालिका, षडानन्द नगरपालिका ,साल्पासिलोछो गाउँपालिका,हतुवागढी गाउँपालिका , टेम्केमैयुङ गाउँपालिकाको प्रमुख काग्रेसको भागमा परेको छ । माओवादीको भागमा पौवादुम्मा र रामप्रसादराई गाउँपालिका परेको छ । उपप्रमुखमा रामप्रसादराई पौवादुगमा गाउँपालिका काग्रेसले लिएको छ ।

माओवादीले साल्पासिलोछो गाउँपालिका, षडानन्द नगरपालिका र हतुवागढी गाउँपालिका लिएको छ । नेकपा एकिकृति समाजवादीले भोजपुर नगरपालिका र टेम्केमैयुङ गाउँपालिकाको उपप्रमुख लिएको छ । जिल्ला समन्वय समितिमा भने जनता समाजवादी पार्टीले लिएको छ । आम्चोक र अरुण गाउँपालिकामा स्वास्थ्य प्रतिस्पर्धा गर्ने भएको छ । बाकि वडा तहको भागबन्डा चाडै टुंगाइने नेपाली काग्रेसका सभापति बिनोद बान्तावाले बताउनुभयो ।