एमाले प्रवेश गर्दै वीरगञ्जका मेयर सरावगीले भने जातिवादको राजनीतिले राष्ट्रिय पार्टी हुन सकिदैन

एमाले प्रवेश गर्दै उनले जनता समाजवादी पार्टीले अहिले पनि जातिवादकै राजनीति गरिरहेको उल्लेख गरे ।

जातिवादको राजनीति गरेर राष्ट्रिय पार्टी हुन नसकिने उल्लेख गर्दै सरावगीले राष्ट्रिय पार्टी भनेको हाम्रो एमाले पार्टी नै हुन सक्ने दाबी समेत गरे ।

२०७४ सालको स्थानीय तहको निर्वाचनमा तत्कालिन संघीय समाजवादी फोरमबाट मेयरमा निर्वाचित सरावगी एमाले प्रवेश गर्नुअघिसम्म जनता समाजवादी पार्टीका नेता थिए ।

नेपाली कांग्रेसमा प्रवेश गर्ने तयारीमा रहेका मेयर सरावगी अन्तिममा एमाले प्रवेश गरेका हुन् । उनले पूर्वमन्त्री मोती दुगडले अध्यक्ष केपी शर्मा ओलीसँग भेट गराइदिएपछि एमाले प्रवेश गरेको पनि खुलाएका  छन् ।