घोडेटारलाई घोडापालन सँग जोड्दै पर्यटन व्यवसाय गर्ने गाउँपालिकाको योजना

घोडेटार । भोजपुरको हतुवागढी गाउँपालिकाले घोडा पालन र पर्यटन व्यवसाय गर्ने तयारी गरेको छ ।

गाउँपालिकाको मुख्य केन्द्र घोडेटारको परिचय र इतिहासलाई जोड्ने गरी जिवित घोडापालन र पर्यटन व्यवसाय गर्ने योजना रहेको गाउापालिका अध्यक्ष प्रेम कुमार राईले बताएका हुन् ।

हतुवागढी गाउँपालिकाले यही पौष २५ गते बुधबार सडक स्मारक स्तम्भ र घोडाको सालिक अनावरण गर्नेभएको छ । अरुण नदीबाट स्काभेटर तारिएको १४ औं वर्षगाँठमा समिति, चन्दादाताहरुलाई सम्मान एवं प्रसंशापत्र वितरण सहित उक्त कार्यक्रम आयोजना गरिएको अध्यक्ष राईले बताए ।

नेपाल एकिकरण पूर्व किरात राज्यको रुपमा प्रशिद्ध हतुवागढीमा किरात राई वालाहाङ वंशका सुनाहाङ राजाले शासन गरेका थिए । घोडेटार बजार स्थित रहेको एक पोखरीमा राजाको घोडालाई पानी खुवाइने गरिन्थ्यो । शुभअशुभको संकेत स्वरुप रङ्ग परिवर्तन गर्ने भएकाले उक्त पोखरीलाई भविष्यवक्ता पोखरी भनिन्छ । सोही भविष्यवक्ता पोखरीमा पानी खुवाउन हतुवागढी दरबारबाट घोडा ल्याउने र लाने ठाउँ ‘घोडेटो’ अपभ्रशं भई घोडेटार नामाकरण भएको किंवदन्ती छ ।

घोडेटार बजारको विकासक्रम: