हतुवागढी वडास्तरीय फुटबलको उपाधी सिन्द्राङलाई, उपविजेता खैराङ

घोडेटार । भोजपुरको हतुवागढी जारी अन्तर वडास्तरीय पुरुष फुटबल प्रतियोगिता सम्पन्न भएको छ ।

आइतबार (आज) हतुवागढी गाउँपालिका अध्यक्ष प्रेम कुमार राईको प्रमुख आतिथ्यतामा फाइनल खेल उद्घाटन गरिएको हो । 

फाइनल खेलमा खैराङलाई हराउदै हतुवागढी ३ सिन्द्राङ उपाधी विजेता बनेको हो । विजेता बने सँगै सिन्द्राङ फुटबल टिमले ३५ हजार नगद पुरस्कार सहित शिल्ड, मेडल र प्रमाणपत्र प्राप्त गरेको छ ।

यस्तै प्रतियोगितामा उपविजेता हतुवागढी ४ खैराङ फुटबल टिमले रु. २० हजार नगद पुरस्कार सहित सिल्ड, मेडर र प्रमाणपत्र प्राप्त गरेको छ ।

कार्यक्रमलाई सम्बोधन गर्दै प्रमुख अतिथी एवं पालिका अध्यक्ष राईले हतुवागढीमा खेलकुद विकासका लागि निरन्तर लागि परेको बताउनुभयो ।
हतुवा क्षेत्रलाई खेलकुदलाई हवको रुपमा विकास गरेर पर्यटनलाई जोड्न सकिने उहाँको भनाइ छ ।

श्री वालाहाङ्ग सुनाहाङ्ग किरात राई उत्थान समाजको आयोजना तथा हतुवागढी गाउँपालिकाको प्रायोजन रहेको उक्त प्रतियोगिता ११ टिमको सहभागिता रहेको थियो ।