हतुवागढीमा एमाले निकट खेलकुद र युवाको पालिका स्तरीय समिती गठन

घोडेटार । नेपाल कम्युनिस्ट पार्टी एमाले निकट खेलकुद महासंघ र युवा संघको हतुवागढी पालिका स्तरीय कमिटी गठन गरिएको छ ।

शुक्रबार घोडेटार स्थित आयोजित युवा भेला तथा प्रशिक्षण कार्यक्रमको अवसरमा हतुवागढी पालिका स्तरीय युवा संघ र खेलकुद महासंघ कमिटी गठन गरिएको हो ।

राष्ट्रिय युवा संघ नेपालका केन्द्रीय उपाध्यक्ष रोशन बस्नेतको प्रमुख आतिथ्यता उक्त भेला तथा प्रशिक्षण कार्यक्रम सम्पन्न गरिएको थियो ।

कार्यक्रममा विशेष अतिथी नेकपा एमाले प्रदेश कमिटी सदस्य तथा पूर्व माननीय धनहर्क राई, नेकपा एमाले भोजपुर जिल्ला अध्यक्ष शरण कुमार राई, एमाले प्रदेश कमिटी सदस्य तथा पूर्व जिला अध्यक्ष प्रेमकुमार राई लगायत हतुवागढी गाउँ पार्टीका नेता तथा कार्यकर्ताहरुको उपस्थिति रहेको थियो । 

हतुवागढी गाउँ कमिटी तथा राष्ट्रिय युवासंघ भोजपुरद्वारा आयोजित उक्त भेलाले हरि प्रसाद राईको अध्यक्षतामा ४३ सदस्यीय हतुवागढी गाउँपालिका स्तरीय कमिटी गठन गरिएको हो ।

त्यस्तै भुवन बस्नेतको अध्यक्षतामा ३७ सदस्यीय हतुवागढी पालिका स्तरीय नेपाल खेलकुद महासंघ कमिटी सर्वसम्मत रुपमा चयन गरिएको राष्ट्रिय युवा संघ नेपाल जिल्ला कमिटी भोजपुरका सचीव रविन थापाले जानकारी दिए ।