हतुवागढीको ८ नम्बर वडामा कांग्रेसको प्यानलै विजयी

घोडेटार । भोजपुरको हतुवागढी गाउँपालिका ८ को वडाध्यक्षमा नेपाली कांग्रेसका उम्मेदवार प्रेम बहादुर थापा निर्वाचित भएका छन् ।

आइतबार बिहान २ बजे सम्पन्न मतगणनामा ३०४ मतका साथ वडाध्यक्षमा प्रेमबहादुर थापा प्यानलै विजयी भएका हुन् ।

उनका निकटतम प्रतिद्वन्द्वी नेकपा माओवादी केन्द्रका सुदन राईले २३८ मत प्राप्त गरे भने नेकपा एमालेका उम्मेदवार सैन बहादुर बिष्टले १४ मत प्राप्त गरेका छन् ।

वडा नम्बर ८ मा ५८७ कुल मत खसेको थियो । जसमा नेपाली कांग्रेसका उम्मेदवार प्यानलै विजयी भएका हुन् ।