हतुवागढीका दुई वडामा एमाले उम्मेदवार विजयी, पालिका प्रमुखमा एमालेकै अग्रता

घोडेटार । भोजपुरको हतुवागढी गाउँपालिका अन्तर्गत २ वटा वडाको मत गणना सम्पन्न भएको छ ।

आज सम्पन्न वडा नम्बर -१ मा एमालेका उम्मेदवार कुमार बिष्ट र वडा नम्बर ९ मा एमालेकै उम्मेदवार सन्जल राई वडाध्यक्षमा निर्वाचित भएका हुन् ।

हाल वडा नम्बर ८ र २ को मतगणना भइ रहेको छ । बेलुका ८:३० बजेसम्म ८ नम्बरमा १०० र २ नम्बरको ८०० मत गणना सम्पन्न भएको छ । केही समयको विवाद पछि स्थगित वडा नम्बर २ को मत गणना पुनः सुचारु गरिएको छ ।

अहिले सम्मको मतपरिणाम अनुसार पालिका प्रमुखमा नेकपा एमाले र उपप्रमुखमा गठबन्धनको अग्रता रहेको छ । हाल सम्म प्रमुखमा एमालेका राईको १३९३, गठबन्धनका कार्कीको १२२७ मत रहेको छ । त्यस्तै उपप्रमुखमा एमालेबाट कमला राईको १२४१ र गठबन्धनबाट सुनिता किरातीको १३०७ मत रहेको छ ।