रामप्रसाद राई गाउँपालिका ७ मा जसपाबाट पनन राईको वडाध्यक्षमा उम्मेदवारी

वैशाख १२, भोजपुर । जनता समाजवादी पार्टीले भोजपुरको रामप्रसाद राई गाउँपालिका वडा नं ७ मा उम्मेदवार तय गरेको छ ।

सोमबार (आज) जसपाको तर्फबाट पनन चाम्लिङ राईले वडाको अध्यक्षमा उम्मेदवारी दर्ता गराएका हुन् ।

नेपाली कांग्रेस र जसपाबीचको गठबन्धनबाट महिला सदस्य गङ्गा देवी राई, दलित महिला सदस्य गोमा सार्की, खुल्ला सदस्य महेश राई र रमेश राईले उम्मेदवारी दर्ता गराएका हुन् ।

जसमध्ये गंगादेवी र रमेश राई नेपाली कांग्रेसको तर्फबाट उम्मेदवार बनेका हुन् । राजनैतिक सहमती अनुसार जसपाकै चुनाव चिन्ह ‘छाता’ बाट उम्मेदवारी दर्ता गराइएको हो ।

त्यस्तै उक्त वडामा नेकपा एमाले र माओवादी केन्द्रले प्यानलै उम्मेदवार खडा गरेको छ । एमालेको तर्फबाट मनकाजी राई (प्रसान्त) र माओवादीबाट रामकृष्ण राईले वडाध्यक्ष पदमा उम्मेदवारी दर्ता गराएका छन् ।