चोरीभएको सुन सहित नगद बरामद

भोजपुर । भोजपुर नगरपालिका ५ बोखिममा चोरी भएको नगद र सुन बरामद भएको छ । बोखिम खत्री गाउँ बस्ने हर्क ब प्रधानको घरमा शनिवार दिउसो चोरी भएको हो । चोरिमा संलग्नलाई डेढ तोला सुन र नगद एक लाख ४८ हजार चोरी गरेको थियो । चोरी भएको खवर प्राप्त भएपछि देउराली प्रहरी बिटका प्रहरी हवलदार प्रकाश तामाङको टोलि घटनास्थलमा गइ अनुसन्धान गर्दा घर नजिकै मकैबारीमा लुकाएको अवस्थामा नगद र सुन फेला परेको हो । बरामद सामान पीडित पक्षलाई जिम्मा दिएको प्रहरीले जनाएको छ ।