ख्याल गर्नुहोस्ः बिहान उठेर गर्नै नहुने ७ काम

बिहान चाँडै उठ्नु राम्रो बानी हो । हामीमध्य धेरै यस्ता पनि छौं जो बिहान उठेर पानी पिउने, मेडिटेशन गर्ने, व्यायाम गर्ने र बिहानको समय मर्निंग वाक गर्ने गर्छौं । एकातिर यी सबै बानी स्वस्थ जीवनका लागि राम्रो हो भने अर्कोतिर केही यस्ता बानी पनि हुन्छन् जसले हाम्रो स्वास्थ्यमा नराम्रो असर पर्ने हुन्छ ।

दिनको शुरुवात जसरी हुन्छ, त्यसले हाम्रो पूरै दिनको लागि स्वास्थ्यलाई पनि प्रभावित गर्छ । यदी शुरुआत राम्रो हुन्छ भने पूरै दिन स्फूर्ति बनिरहन्छ । केही यस्ता बानी जसले हामीलाई स्वस्थ राख्छ भने केही यस्ता बानी पनि हुन्छन् जुन हामीलाई थाहा हुन्न र त्यसले हाम्रो स्वास्थ्यमा नराम्रो असर पारिरहेको हुन्छ । यस्तो अवस्थामा हामीले जान्नु जरुरी हुन्छ, बिहान उठेर के गर्नु राम्रो हुन्छ जसले हाम्रो स्वास्थ्यलाई हानी पुर्या‍उन सक्छ ।

धुम्रपान

धुम्रपान कुनै पनि बेला गर्न सकिन्छ, यद्यपी धुम्रपान गर्नु स्वास्थ्यलाई नोक्सान पु¥याउनु हो । तर, बिहान उठ्ने बित्तिकै सिगरेट, बिडी पिउनु धेरै नै खतरनाक हुन सक्छ । यसले क्यान्सर हुने आशंका बढी हुन्छ ।

रक्सी पिउनु

कतिपयको बानी यस्तो हुन्छ जो बिहान उठेर आफ्नो दिनको शुरुवात रक्सी खाएर गर्ने गर्छन् । बिहान उठुनासाथ रक्सी खानाले हाम्रो स्वास्थ्यमा नराम्रो असर पर्छ र हामी विभिन्न रोगको शिकार हुन सक्छौं ।

रिसाउने, झगडा गर्ने

दिनको शुरुवात सधैं सकारात्मक भावनाका साथ गर्नुपर्छ । बिहान उठ्नासाथ कोहीसँग पनि रिसाउने झगडा गर्ने बानीले तपाईंमा नकारात्मक प्रभाव पर्ने र तनाव हुने हुन्छ ।

मसालेदार खाना

बिहानको समय मसालेदार खाना खानबाट टाढै बस्नु पर्छ । मसालेदार खाना खानाले धेरै प्रकारका रोग लाग्ने हुँदा बिहान सकेसम्म पौष्टिकयुक्त खाना खानु स्वास्थ्यवद्र्धक हुन्छ ।

खाली पेट कफी

संसारमै हेर्ने हो भने प्रायः सबै मानिसले आफ्नो दिनको शुरुवात चिया वा कफी पिएर गर्छन् । तर, विशेषज्ञहरुका अनुसार बिहान खाली पेटमा कफी पिउनाले कोर्टिसोलको मात्रा बढाउँछ । जो शरीरका लागि हानिकारक छ ।

अशान्त हुने कार्यक्रम नहेर्ने

यदी तपाईं बिहान उठेर टिभी हेर्ने गर्नु हुन्छ भने मन मशान्त हुने भड्किलो कार्यक्रम नहेर्नुस् । यसले तपाईंको मुड बिगार्ने हुँदा तपाईंको स्वास्थ्यलाई पनि असर पार्ने हुन्छ । भड्किलो कार्यक्रमले तपाईंलाई तनाव पनि उत्पन्न गराउन सक्छ ।

फेरि सुत्ने

उठेपछि फेरि सुत्ने हामी मध्ये धेरैको बानी हुन्छ, जो बिहान उठ्न रुचाउँदैनौं । त्यस मध्ये केही यस्ता हुन्छौं जो ओछ्यानबाट उठेर सोफा या अन्य कुनै ठाउँमा गएर सुत्ने गर्छौं । यो बानी एकदमै नराम्रो बानी हो । यस्तो बानीले तपाईंको निद्रा पुरा भएर तपाईंले फ्रेश अनुभव गर्न सक्नु हुन्न । जसले गर्दा तपाईं दिनभर सुस्त देखिने र काममा पनि मन नलाग्ने हुन्छ ।