हतुवागढीमा युवा संघद्वारा चैत ११ गते भेला तथा प्रशिक्षण गरिने

घोडेटार । राष्ट्रिय युवा संघ भोजपुरले हतुवागढीमा पालिका स्तरीय युवा भेला तथा प्रशिक्षण कार्यक्रम गर्ने भएको छ ।

संघले चैत्र ११ गते आयोजना गरेको उक्त भेलाले हतुवागढी पालिका स्तरीय राष्ट्रिय युवा संघ नेपाल पालिका कमिटी समेत निर्माण गर्ने जनाइएको छ ।

राष्ट्रिय युवा संघ नेपाल केन्द्रीय उपाध्यक्ष रोशन बस्मेतको प्रमुख आतिथ्यतामा हुन लागेको उक्त कार्यक्रममा करिब २५० जना युवाहरुको उपस्थिति रहने आयोजकले जनाएको छ ।

चैत ११ गते दिउँसो १२ बजे देखि हुन लागेको उक्त युवा भेला तथा प्रशिक्षण कार्यक्रममा प्रत्येक वडाबाट कम्तिमा १५ जनाको उपस्थिति गराएर प्रशिक्षित गराइने राष्ट्रिय युवा संघ नेपाल जिल्ला कमिटी भोजपुरका सचीव रविन थापाले जानकारी दिए ।

उक्त भेला तथा प्रशिक्षण कार्यक्रममा वक्ताको रुपमा प्रमुख अतिथी लगायत नेकपा एमाले प्रदेश न-१ कमिटी सचिवालय सदस्य लगायत जिल्ला स्तरका नेताहरुबाट उपस्थिति युवाहरुलाई प्रशिक्षित गराईने जनाइएको छ ।