हतुवागढी गाउँपालिकाले निशुल्क लोकसेवा र शिक्षकसेवा तयारी कक्षा सञ्चालन गर्ने

११ पौष, घोडेटार । भोजपुरको हतुवागढी गाउँपालिकाले निशुल्क लोकसेवा र शिक्षकसेवा तयारी कक्षा सञ्चालन गर्ने भएको छ ।

बिहीबार एक सूचना जारी गर्दै गाउँपालिकाले उक्त निशुल्क तयारी कक्षामा सहभागिताको लागि लक्षित वर्गलाई आह्वान गरेको हो ।

निशुल्क लोकसेवा र शिक्षकसेवा तयारी कक्षा सञ्चालन सम्बन्धि हतुवागढी गाउँपालिकाद्धारा जारी सूचना

गाउँपालिका अन्तर्गत सबै वडाबाट प्रतिनिधित्व हुने गरी महिला, विपन्न, दलित, आदिवासी, जनजाति र पिछडा वर्गलाई प्राथमिकताका साथ छनौट गरी तयारी कक्षामा सहभागी गराइने गाउँपालिकाले जनाएको छ । आवेदकले यहाँ  क्लिक गरेर अनलाइन आवेदन पेश गर्न सक्नेछन् । अनलाइन आवेदन पेश गर्न असमर्थ भएमा गाउँपालिकाको इमेल: ito.hatuwagadhimun@gmail.com अथवा कार्यलयमा निवेदन सहित आवेदन दिन सकिने जारी सूचनामा उल्लेख छ ।
आवेदक हतुवागढी गाउँपालिका बासी हुनुपर्ने साथै पौष २५ गते सम्म आवेदन फारम बुझाइ सक्नुपर्ने जनाइएको छ ।