भोजपुरको हतुवागढीमा वैशाख ४ देखि पाचौं घोडेटार गोल्डकप हुने
- खेलकुद
- April 2, 2023
घोडेटार । हतुवागढी खेलकुद विकास समितिको आयोजनामा पाचौं घोडेटार गोल्डकप २०८० खुल्ला पुरुष फुटबल प्रतियोगिता हुने भएको छ ।
भोजपुरको हतुवागढी गाउँपालिकाको प्रायोजन तथा उद्योग वाणिज्य संघ घोडेटारको सहयोगार्थ हतुवागढी १ स्थित सगरमाथा माविको खेल मैदानमा उक्त प्रतियोगिता हुने भएको हो ।
नयाँ वर्ष २०८० को अवसर पारेर बैशाख ४ देखि १० गते सम्म सञ्चालन हुन लागेको उक्त प्रतियोगितामा सहभागिताको लागि बैशाख ३ गते सम्म टिम दर्ता गराइसक्नुपर्ने छ । 7A Side साइडमा खेलाइने उक्त प्रतियोगिताको प्रत्येक खेलमा म्यान अफ द म्याच को व्यवस्था गरिएको आयोजकले जनाएको छ ।
प्रतियोगितामा उपाधी विजेता टिमले नगद एक लाख १० हजार, उपविजेता टिमले नगद ५५ हजार साथमा ट्रफि, मेडल र प्रमाणपत्र प्राप्त गर्नेछन् । त्यस्तै तेस्रो हुने टिमले नगद २० हजार र सान्तवना हुने टिमले नगद १५ हजार साथमा मेडल र प्रमाणपत्र प्राप्त गर्नेछन् ।
