गठबन्धन विपरित भोजपुरको पौवादुङ्मामा कांग्रेस र माओवादी एक्लाएक्लै चुनावमा जाने

 भोजपुर । भोजपुरको पौवादुङ्मा गाउँपालिकामा गठबन्धनको निर्णय विपरित नेपाली कांग्रेस र नेकपा माओवादी केन्द्र एक्ला एक्लै चुनावमा जाने भएका छन् ।

बुधबार नेपाली कँंग्रेस र माओवादी केन्द्र पौवादुम्मा गाउँ कार्य समितिले संयुक्त रुपमा एक धारणा पत्र सार्वजनिक गर्दै उक्त निर्णय सार्वजनिक गरेका हुन् ।

यही वैशाख ३० मा हुन लागेको स्थानीय निर्वाचनमा दुवै दलले गठबन्धन नगरी आ–आफ्ना दलबाट उम्मेदवार मनोनयन गरि स्वच्छ प्रतिस्पर्धा गर्ने जनाएका छन् । उक्त निर्णयको कार्यन्वयनका लागि भोजपुर जिल्ला स्थानीय तह निर्वाचन २०७९ गठबन्धन समिति समक्ष अनुरोध समेत गरिएको छ ।

दुवै दलको संयुक्त धारणा पत्रमा पौवादुङ्मा कांगेस सभापति मनोज कार्की र मोओवादी अध्यक्ष सन्तोष मुक्मिन राईले संयुक्त रुपमा हस्ताक्षर गरेका छन् ।

आशन्न स्थानीय तह निर्वाचनमा देशभर गठबन्धन गर्ने निर्णय गरेका सत्तारुढ ५ दलीय गठबन्धनका दलहरुले भोजपुरमा स्थानिय तहको भागबण्डा यसअघि नै टुंग्याएका छन् । जसमध्ये काग्रेसलाई ५ माओवादीलाई २ वटा स्थानिय तह भागमा परेको हो ।

आम्चोक र अरुण गाउँपालिका बाहेकका स्थानिय तह र जिल्ला समन्वय समितिको भागबन्डा भएको हो । जसमा भोजपुर नगरपालिका, षडानन्द नगरपालिका ,साल्पासिलोछो गाउँपालिका, हतुवागढी गाउँपालिका , टेम्केमैयुङ गाउँपालिकाको प्रमुख काग्रेसको भागमा परेको छ । माओवादीको भागमा पौवादुम्मा र रामप्रसादराई गाउँपालिका परेको छ । उपप्रमुखमा रामप्रसादराई पौवादुगमा गाउँपालिका काग्रेसले लिएको छ ।

माओवादीले साल्पासिलोछो गाउँपालिका, षडानन्द नगरपालिका र हतुवागढी गाउँपालिका लिएको छ । नेकपा एकिकृति समाजवादीले भोजपुर नगरपालिका र टेम्केमैयुङ गाउँपालिकाको उपप्रमुख लिएको छ । जिल्ला समन्वय समितिमा भने जनता समाजवादी पार्टीले लिने तथा आम्चोक र अरुण गाउँपालिकामा स्वास्थ्य प्रतिस्पर्धा गर्ने निर्णय गरिएको थियो ।

तर, स्थानिय तहको भागबण्डा टुंग्याएको गठबन्धन एक दिन नबित्दै जनता समाजवादी पार्टी बाहिरिएको छ भने माओवादी नेता कार्यकर्ताले असन्तुटि जनाएका थिए ।

एउटा पनि स्थानिय तहको नेतृत्व नपाएपछि जनता समाजवादी पार्टी गठबन्धनबाट बाहिरिने भएको हो । मंगलबार जसपा जिल्ला सचिव नरराज काङमाङले सामाजिक सञ्जाल फेसबुकमा लेख्दै उक्त निर्णय जानकारी गराएका हुन् । काङमाङ लेख्छन्, “जनता समाजवादी पार्टीको आज २०७९/०१/०६ गते बसेको अपर्झट बैठकले भोजपुर जिल्लामा भएको गठबन्धनको निर्णयप्रति सम्मानजनक सहभागिता नभएको निष्कर्ष निकाल्दै गठबन्धनबाट बाहिरिने निर्णय गरियो ।”